ସୋମାର ଜନ୍ମଦିନ

ଘର ସାରା କୋଳାହଳ

    କାହିଁ ଚାଲିଗଲା ସୋମା

ଜନ୍ମଦିନ ର ଶୁଭଲଗନେ

    ତାହାରି ନାହିଁ ଦେଖା l

ବାପା ମା'ଙ୍କର ଅଲିଅଳି

   ସୁକୁମାରୀ ରାଜ କନ୍ୟା 

ସାଜସଜ୍ଜା, ଉପହାର ଫିକାପଡ଼ିଲାଣି 

  ବହିଲାଣି ଲୁହ ବନ୍ୟା l

 ଘରେ ସାହି ପଡିଶାରେ

  ସବୁଠାରେ ପଡ଼େ ଖୋଜା

କେଉଁଠାରେ ନଦେଖିଣ ତାକୁ

   ନୟନ ଲୋତକେ ଭିଜା l

ବାପା ତା ଦେଖିଲେ

  ଝିଅ ଛିଡା ପଥଧାରେ

 ବୃଦ୍ଧା ବୃଦ୍ଧ ଦୁଃଖିଙ୍କୁ

  ମିଠେଇ ବଣ୍ଟନ କରେ l

କୋଳକୁ କୋଳେଇ ଗାଲରେ

  ଚୁମ୍ବନ ଦେଲେ ତାର 

କାହାକୁ ନକହି ଧନ

  ଘରୁ ହେଇଛୁ ବାହାର l

ହସି ହସି କହେ ସୋମା

  କେକ୍, ଚକୋଲେଟ, ଉପହାର 

ସବୁଠାରୁ ଦାମୀ ଏମାନଙ୍କ

   ଚେନାଏ ହସ ଶୁଖିଲା ମୁହଁର l