ପିଲାମାନେ

ଶୁଣ ପିଲାମାନେ ମନ ଦେଇ କହେ , କଥା 

ଜୀବନରେ ବଡ ହେବା ବିଧି ଓ ବ୍ୟବସ୍ଥା ।

ସମୟ କୁ କେବେ ହେଲେ ଅଯଥା ରେ ବ୍ୟୟ

ନ କରିବ , ଥିବ ଶାନ୍ତ, ସନ୍ତୋଷ ନିର୍ଭୟ ।

ପଢା ବେଳେ ମନ ଦେଇ ପଢ଼ୁ ଥିବ ପାଠ

ଶ୍ରେଣୀ ରେ ହୋଇବ ତୁମେ ମାନେ ଭଲ ଚାଟ ।

ଗୁରୁ ବାକ୍ୟ କେବେ ହେଲେ ନ କରିବ ହେୟ

ସେବା କରି ଶିଷ୍ୟ ଭାବେ ଲଭି ଅନୁଗ୍ରହ ।

ମନ ଧ୍ୟାନ ଦେଇ ଗୁରୁ କଥା ଶୁଣୁ ଥିବ

ଅଭ୍ୟାସ ପୂର୍ବକ ବିଦ୍ୟା ଆୟତ୍ତ କରିବ ।

ଉଦ୍ୟମ ରେ ସବୁ କାର୍ଯ୍ୟ , ହୁଅଇ ସଫଳ

ପ୍ରଚେଷ୍ଟା କରିବ ଧରି ଦମ୍ଭ ମନୋବଳ ।

ଯାହାର , ଯହିଁ ରେ ରହି ଥାଏ , ଟି ଆଗ୍ରହ

ପଢିବ ସେ ବିଦ୍ୟା ଧରି ଅନୁରାଗ , ସ୍ନେହ ।

ସଭିଙ୍କୁ ଆଦର ପ୍ରେମ ସମ୍ମାନ ଜଣାଇ

ମୋହି ନେବ ଆନ ମନ ମିଠା କଥା କହି ।

ସତ୍ୟ ନିଷ୍ଠ ହେବ, ସତ୍ୟରକ୍ଷା ଦୃଢେ କରି

କହୁ ଥିବ , ସତ କଥା ଥିବ ତାହା ପାଳି ।

ଆଦର୍ଶ , ଆହ୍ଵାନ , ଯଶ , ଖ୍ୟାତି ଲଭି ନିତି

ନିତି ନିତି ପାଳୁ ଥିବ ସତ୍ୟ , ଧର୍ମ ନୀତି । 

ଶୃଙ୍ଖଳା ସମ୍ମାନ ସହିତ ସାନ୍ତ୍ଵନା ଦାନ 

କରି ହରି ନେବ , ଦୁଃଖ , ଦେଖି ଦୁଖୀ ଦୀନ ।

ଛଳ, ମନ୍ଦ, କପଟତା କେବେ ନ ଧରିବ

ଜୀବନ ରେ କେବେ ପର ମନ୍ଦ ନ ଚିନ୍ତିବ ।

ସମସ୍ତ ଙ୍କୁ ଆନ୍ତରିକ ଦୟା , ବିନୟ ରେ

ସମ ଭାବ ପ୍ରକାଶିବ ଥିବ କଲ୍ୟାଣ ରେ ।

ସମୟାନୁବର୍ତ୍ତି ଗୁଣ ଯୁକ୍ତ ବ୍ୟବହାର

ନ କରିବ, କେବେ, ବୃଥା ବ୍ୟୟ ସମୟ ର ।

ସାଧୁତା ନିସ୍ୱ।ର୍ଥ ଭାବ ମନ ରେ ବହିବ

ଆଦର, ଆଦର୍ଶ, ପ୍ରିତୀ ଘେନି ଚାଲୁ ଥିବ ।

ହିଂସା, ଦ୍ୱେଷ, ଭେଦଭାବ, ବାଦ ଓ ବିବାଦ

ନ ଧରିବ, ସ୍ନେହ, ଶ୍ରଦ୍ଧା, ଆର୍ପି ତା' ସୁଆଦ ।

ଚାଖିବ, କିପରି ମିଠା, କହି ମିଠା କଥା 

ସାଙ୍ଗ, ସାଥୀ ସମସ୍ତ ଙ୍କ ପାଇଁ କି ବ୍ୟବସ୍ଥା ।

ବିତରିବ, ଖେଳ ବେଳେ ଖେଳା, ବୁଲା କରି

ମନ୍ଦ ଚିନ୍ତା, ଦୂର୍ଭାବନା ପରିତ୍ୟାଗ କରି ।

ଯାପିଲେ ଜୀବନ ହେବ, ସୁଖ ଶାନ୍ତି ମୟ

ଆନନ୍ଦ ରେ ଭରି ଯିବ, ତୁମର ହୃଦୟ ।