Library
ଫର ଫର ଉଡେତ୍ରିରଙ୍ଗା
ଫର ଫର ଉଡେତ୍ରିରଙ୍ଗା
ଫର ଫର ହୋଇ ତ୍ରିରଙ୍ଗା ଉଡେ
ଶହୀଦ ସ୍ମୃତି ର ପ୍ରଣତି ବlଢ଼େ ।
ଆମରି ଜାତୀୟ ଗୌରବ ନେତ
ତ୍ରିରଙ୍ଗା ଦର୍ଶାଏ ଜାତି ଅତୀତ ।
ସ୍ୱାଧୀନତା ଦିବସ ରେ ଉଡ଼ାଉ
ଜାତୀୟ ବୀରତ୍ଵ ଗାରିମା ଗାଉ ।
କେତେ ଦୁଃଖ କ୍ଳେଶ ଶେଷ ରେ ଆମ
ଏ ଭାରତ ଦେଶ ହେଲା ସ୍ଵାଧୀନ ।
ଲକ୍ଷ ଲକ୍ଷ ଲୋକ କାରାବରଣ
ଜୁଲମ ଓ ଲାଠି ମାଡ଼ ତାଡନ ।
ସାଙ୍ଗ କୁ ପୋଲିସ ଗୁଳିରେ ମୃତ
ଦେଶ ପ୍ରେମୀ ବୀର ଗତି ବହୁତ ।
ଲଭି କି ଶହୀଦ ହେବା ର ପରେ
ସ୍ୱାଧୀନତା ଲାଭ ଆମେ କରିଲେ ।
ଜୟୀ , ବକ୍ସି ଫାଶୀ ଖୁଣ୍ଟେ ଝୁଲିଲେ
ସଂଗ୍ରାମ ରେ କେତେ ପାଇକ ମଲେ ।
ସିପାହୀ ବିଦ୍ରୋହେ କେତେ ସିପାହୀ
ଗଲେ ନିଜ ପ୍ରାଣ କୁ ବଳି ଦେଇ ।
ମଙ୍ଗଳ ପାଣ୍ଡେ , ଚନ୍ଦନ ହଜୁରୀ
ଚାଖି ଖୁଣ୍ଟିଆ , ରାଣୀ ଲକ୍ଷ୍ମୀ ବାଇ ।
ସହିତେ ସେ କେତେ କେତେ ବିଦ୍ରୋହୀ
ଦେଶ ହିତେ ଗଲେ ସହୀଦ ହୋଇ ।
ଗାନ୍ଧୀ ଙ୍କ ଅହିଂସା ସତ୍ୟାଗ୍ରହ ରେ
ନିର୍ମମ ଦମନ ଲୀଳା କବଳେ ।
ହତ ହେଲେ ବହୁ ନୀରିହ ଜନ
ଶହୀଦ ହୋଇଲେ ଅଜସ୍ର ପୁଣ ।
କାରାଦଣ୍ଡ ଆଉ ଲାଠି ତାଡନ
ଖଣ୍ଡିଆ ଖାବରା ଲହୁ ଲୁହାଣ ।
ଜଳିଆନା ବାଲା ବାଗ ରେ ପୁଣି
ଇଂରେଜ ସର୍କlର ଚଳାଇ ଗୁଳି ।
ସହସ୍ର ସହସ୍ର ନୀରିହ ଲୋକ
ଶହୀଦ ହୋଇଲେ କି ଭୟାନକ ।
ବହୁ ଜନତା ଙ୍କ ତ୍ୟାଗ କଷଣ
ପରିଶେଶେ ଦେଶ ହେଲା ସ୍ଵାଧୀନ ।
ଦେଶ ଦଶ ହିତେ ଦେଇ ପରାଣ
ଶହୀଦ ହୋଇଲେ ଅଶେଷ ଜନ ।
ତାଙ୍କ ପୂତ ତ୍ୟାଗେ ହେଲୁ ସ୍ଵାଧୀନ
ଉଡାଇଲୁ ଆମ ଜୈତ୍ର କେତନ ।
ଫର ଫର ହୋଇ ତ୍ରିରଙ୍ଗା ଉଡେ
ଶହୀଦ ସ୍ମୃତି ର ପ୍ରଣତି ବାଢେ ।
