ଫଗୁଣ ପୂର୍ଣ୍ଣମୀ

ଆସିଛି ବସନ୍ତ ବହୁଛି ମଳୟ

ଦଶ ଦିଶ ଦିଶେ ସୁନ୍ଦର

ପ୍ରାକୃତିକ ଶୋଭା ସୌନ୍ଦର୍ଯ୍ୟ ର ବିଭା

ବିଭାସ ରୁଚିର ତର ।

ଅତୁଳନୀୟ ଯେ ବନୋଦ୍ୟାନ ରାଜେ

ନବ ପୁଷ୍ପ ପଲ୍ଲବ ରେ

ରୋମାଞ୍ଚ ସଂଚରେ ଉଲ୍ଲାସ ମଧ୍ୟ ରେ

ଉଦ୍ଦୀପନା ପୂର୍ଣ୍ଣ ଭାରେ ।

ଉଚ୍ଛୁଳି ଉଠଇ ପ୍ରେମ ସୁରଭି ରେ

ଅବସ୍ଥିତ ପରିବେଶ

ଚମତ୍କାର ବେଶ ମନଲୋଭା ଦୃଶ୍ୟ

ଅତ୍ୟନ୍ତ ସୁନ୍ଦର ତର ।

ସବୁଠି ବସନ୍ତ ବାସନ୍ତୀ ମୂର୍ଚ୍ଛନା

ଭାସି ଆସେ ଦୂରୁ ଧୀର

ପଶୁ ପକ୍ଷୀ କୀଟ ଅଳୀ , ମଧୁ ମକ୍ଷୀ

ମଧୁ ଝରା ଚାରୁ ସ୍ୱରେ

ଗାବନ୍ତି ମଧୁର ତାନ ସୁରୁଚିର

ମନ କୁ ଉନ୍ମନ। କରେ ।

ଦୋଳ ଜାତ ରାସ ହେବ ଅନୁଷ୍ଠିତ

 ମଣ୍ଡପରେ ବିଜେ ଦିଅଁ

ପାଖେଇ ଆସିଲା ଏ ଦୋଳ ପୂର୍ଣ୍ଣିମା

ହୁଏ ସବୁ ସଜ ବାଜ ।

ବିମାନେ ବିଜୟ ହେବେ ଦୟାମୟ

କୃଷ୍ଣ ଭକତ ଜୀବନ

ନାନା ସ୍ଥାନେ ନାନା ମତେ ଲୀଳା ନୃତ୍ୟ

ରାସ ରସେ ସେ ବହନ ।

କରିବେ ବିଜୟ କି ଆନନ୍ଦ ମୟ

ବହେ ଦକ୍ଷିଣା ମଳୟ

ଚାରୁ ଫୁଲ ଗନ୍ଧେ ଲୋଭିତ କରାଏ

ନିତ୍ୟ ବାସେ ମହ ମହ ।

ପ୍ରକୃତି ବିବିଧ ପ୍ରକାଶ ଔଜଲ୍ୟ

ଖେଳାଏ ଦୀପ୍ତ ସୁଷମା

ଲହରୀ ପ୍ରବାହ ଜାରି ରଖି ମୋହ

କରେ ଏ ଦୋଳ ପୂର୍ଣ୍ଣିମା ।

ଦୋଳ ଉତ୍ସବ ରେ ମୁଖର ମଧୁର

ମଧୁ ଝରା ଚାରୁ ଗନ୍ଧ

ସ୍ୱାଦ ବୋହି ଚାଲେ ଦେଖ ଫୁଲେ ଫୁଲେ

ଚହଟେ ଆହା କି ସ୍ନିଗ୍ଧ ।

ଭାବ ବୋଳା ବେଳା ଏ ଦୋଳ ପୂର୍ଣ୍ଣିମା

ଦୋଳ ହୋଲି ଖେଳେ ଜନେ

ମାତି ଯାଇଛନ୍ତି ସବୁ ଠାରେ ଶାନ୍ତି

ସନ୍ତୋଷ ଦିବ୍ୟ ପ୍ଲାବନେ ।

ରାଧା ସାଥେ ନନ୍ଦ କୁମାର ବିଜୟ

କରିବେ ଏବେ ବିମାନେ 

ବାଜେ ବାଜା ତୂରୀ ଘଣ୍ଟ ଘଣ୍ଟା ଭେରି

ଶଙ୍ଖ ଓ ମୃଦୁଙ୍ଗ ସ୍ଵନେ ।

କମ୍ପୁ ଅଛି ପୁର ପଲ୍ଲୀ ଗ୍ରାମ ନଗ୍ର

ମନ୍ଦିର ସବୁଠି ଦେଖ

ଆରମ୍ଭ ହେଲାଣି ଏ ଦୋଳ ପୂର୍ଣ୍ଣମୀ

ଆହା କି ସୁନ୍ଦର ବେଶ ।

ସାଜି ରାଈ ସାଥେ ଦାମୋଦର ଏବେ

ଫଗୁ ଖେଳ ରେ ନିରତ

ଭକତେ ବିମାନ କାନ୍ଧେଇ ବୁଲନ୍ତି

ଦେଖ ଦେଖ ଦୋଳ ଜାତ ।