ଫାଟିଲା ଯଦି ଫାଟୁ

ଗ୍ରୀଷମ କାଳ ବିଷମ ଖରା

ଜଳୁଛି ହୁତୁହୁତୁ

ସାଇକେଲରେ ଯାଉଛି ମୁହିଁ

ପଡ଼ିଆ ଠାରୁ ମୋଟୁ l

ଶଶୁର ଘର ସାଇକେଲଟା

ଲାଗୁଛି କୁତୁକୁତୁ

ଟାଙ୍ଗରା ମୁଣ୍ଡ ତାତି ଯାଉଛି

ଫାଟିଲା ଯଦି ଫାଟୁ

ଫାଟିଲା ଯଦି ଫାଟୁ l

ଷାଠିଏ କିଲ ଓଜନ ମୋର

ଅଶୀଏ କିଲ ପେଟି

ଠିଆ ପେଡାଲ ମାରିକି ମୋର

ଦଅମ ଗଲା ତୁଟି l

ହେଣ୍ଡେଲ ଧରି ଟାଇଟ କରି

ପେଡାଲ ମାରେ ଆଣ୍ଟି

ବଜେଇ ଘଣ୍ଟି ସାଇକେଲରେ

ଯାଉଛି ମୁହିଁ ଛୁଟି l

ଶୋଷରେ ତଣ୍ଟି ଯାଉଛି ଫାଟି

ହେଉଛି ଆଟୁ ପାଟୁ

ଫାଟିଲା ଯଦି ଫାଟୁ l

ଫାଟିଲା ଯଦି ଫାଟୁ

ଘଞ୍ଚ ଜଙ୍ଗଲ ଘାଟି ଅଞ୍ଚଳ

ଆତଙ୍କବାଦୀ ଏଠି

ଲୁଟେରା ଦଳ ମାଳକୁ ମାଳ

ଗଣ୍ଠିଲି ଦେବେ ଲୁଟି l

ଚକରେ ଅଛି ହାର୍ଡ ପ୍ରେସର

ଗଡ଼ି ଯାଉଛି ଘାଟି

ଚଇତି ଶେଷ ପରବ ମାସ

ପୁରୁଷ ପିଲା ଛୁଟି l

ଦେଶିଆ ନନୀ ବାଟ ଓଗାଳି

ଫିଙ୍ଗେ କାଦୁଅ ମାଟି...

ମୋଅର ସିନା ଫାଟି ଯାଉଛି

ତାଙ୍କର କୁତୁକୁତୁ,

ମୁରୁକି ହସା ହସି କୁହନ୍ତି

ଫାଟିଲା ଯଦି ଫାଟୁ l

ଫାଟିଲା ଯଦି ଫାଟୁ

ଏତିକିବେଳେ ଢ଼ୋଓ ଶବଦ

ଶୁଭିଲା ପଛପଟୁ

ଜଣେ କହିଲା ତୋର ଫାଟିଲା

ଆରେ କାଳିଆ ପେଟୁ l

ବସିପଡ଼ିଲି ଲଅଥ କିନା

ବହୁତ ଦୂର ମୋଟୁ

ବଅସ ନାହିଁ ଗୋଟିଏ ହେଲେ

କେମିତି ଯିବି ଏଠୁ l

ଧାଙ୍ଗିଡ଼ି ଧରି ନାଚିଲି ମୁହିଁ

ଭାବି ରାତିଟା କଟୁ

ଭାରିଯା ଯଦି ଜାଣେ ଏକଥା

ପିଟିବ ଯଦି ପିଟୁ l

ସକାଳ ହେଲେ ଦେଖିବି ଚକା

ଫାଟିଲା ଯଦି ଫାଟୁ

ଫାଟିଲା ଯଦି ଫାଟୁ l