ନୂଆ ବର୍ଷ
ନୂଆ ବର୍ଷ
ବାବନ ସପ୍ତାହ ସୂର୍ଯ୍ୟ ଚାରି ପାଖେ
ଛଅ ଋତୁର ତହିଁ ସମାବେଶ
ବାର ମାସ ଆସେ ବାର ମାସ ଯାଏ
ଗୋଟେ ବରଷର ସରେ ବୟସ I
ସମୟର ଚକ ଗଡି ଗଡ଼ି
ଯାହା ବର୍ତ୍ତମାନ ଅତୀତ ହୁଏ
ସତ ଥିଲା ଯାହା ସ୍ମୃତି କରେ ତାହା
ଭବିଷ୍ୟତର ନୂଆ ସ୍ଵପ୍ନ ଥୁଏ I
ନୂଆ ଆଶା ଧରି ନୂଆ ସ୍ଵପ୍ନ ନେଇ
ମନରେ ଉତ୍ସାହ ଯାଇଛି ଜାଗି
ନିଜ କ୍ଷମତାର ପରିଧିକି ଡେଇଁ
ଇଚ୍ଛା ନୂଆ କିଛି କରିବା ଲାଗି I
ସୁଖ ଶାନ୍ତି ଖୋଜି ବେହାଲ ସଂସାର
କେଉଁ ପଥେ ଯିବ ଆଜି ସମାଜ?
ନିଶ୍ଚୟ ହୋଇବ ସଭିଙ୍କ ମଙ୍ଗଳ
ରଖି ଥୋଇ ଥିଲେ ସଠିକ କାଜ I