ନମସ୍ତେ ମାଆ ଭାରତୀ

ନମସ୍ତେ ମାଆ ଭାରତୀ 

     ===========

ଦୟାକର ଦୟାମୟୀ 

               ମାଆ ବୀଣାପାଣି ।

କାବ୍ୟକଳା ଠାକୁରାଣୀ 

               ମରାଳ ବାହନୀ ।।

ସୁର ନର ପୂଜ୍ୟା ମାଆ 

                ତ୍ରିପୁରେ ବନ୍ଦିତା ।

ବିଦ୍ୟାର୍ଥୀ ପୂଜନ୍ତି ତୋତେ

              ଭକ୍ତିଭରେ ମାତା ।।

ବୀଣା ପୁସ୍ତକ ରଞ୍ଜିତ 

            ତୋର ମା' ହସ୍ତରେ ।

ତୋ କୃପାରୁ ଜ୍ଞାନ ମାଆ 

            ସଂସାରେ ବିସ୍ତାରେ ।।

କର୍ଣ୍ଣରେ କୁଣ୍ଡଳ ତୋର 

                 ଶିରରେ ମୁକୁଟ ।

ଗଳେ ଗଜମୋତି ହାର 

               ଦିଶେ ଝଟ ଝଟ ।।

ବେଦ ଜନନୀ ମାଆଗୋ 

               ବୈକୁଣ୍ଠ ବାସିନୀ ।

ବେଦ ବନ୍ଦିତା ବାଗ୍ଦେବୀ 

            ମର୍ତ୍ତେ ସ୍ରୋତସ୍ଵିନୀ ।।

ବେଦମନ୍ତ୍ରେ ପୂଜା ତୋର 

              ମାଆ ବେଦମୟୀ ।

ବୀଣାର ଝଙ୍କାରେ ତୋର 

                ଅଜ୍ଞାନ ପଳାଇ ।।

ମୁକକୁ କରୁ ବାଚାଳ 

            ମାଆ ବାକ୍ୟଦେବୀ ।

ତୋର କୃପାବଳେ 

       ବାକ୍ୟ ମୁଖରେ ସମ୍ଭବି ।।

ପଣ୍ଡିତ କରାଉ ଗଜ 

                 ମୂରୁଖକୁ ମାଆ ।

ପଂଘୁ ଲଂଘି ପାରେ ଗିରି 

           ଥିଲେ ତୋର ଦୟା ।।

ଶୁଭ୍ରବସ୍ତ୍ର ପରିହିତା 

                 ଶୁଦ୍ଧ ଜ୍ଞାନମୟୀ ।

ଅଧମ ଅକ୍ଷମ ମାଆ 

               ଜ୍ଞାନ ଶୂନ୍ୟ ମୁହିଁ ।।

ତୋ ପଦେ ନମଇଁ 

           ଦୟା ରଖିଥିବୁ ମାଆ ।

ପୂର୍ଣ୍ଣ କର ଶୁଦ୍ଧ ଜ୍ଞାନେ 

           ମୋର ଶୂନ୍ୟ କାୟା ।।

ମାଘ ଶୁକ୍ଳ ପଞ୍ଚମୀରେ 

             ତୋର ଦିବ୍ୟ ପୂଜା ।

ଶୁକ୍ଳ ପୁଷ୍ପେ ପୁଷ୍ପାଞ୍ଜଳୀ 

          ରଙ୍ଗେ ବାଜେ ବାଜା ।।

ବାଣୀ ବୀଣାପାଣି 

            ଭଗବତୀ ସରସ୍ଵତୀ ।

ଜିଜ୍ଞାସୁ କରଇ ତୋତେ

                ଭକ୍ତିଭରେ ସ୍ତୁତି ।।

ନମସ୍ତେ ମାଆ ଭାରତୀ 

               ଶାରଦେ ବରଦେ ।

ମୁଢ଼ ମୁହିଁ ଦୃଢେ଼ 

         ନମେ ଚରଣାରବିନ୍ଦେ ।।

           🙏🙏🙏

               ଅର୍ଜୁନୀ

        -------------

ଅର୍ଜୁନୀ ଚରଣ ବେହେରା

ମୋ -୭୬୯୩୦୯୧୯୭୧