ଆମ ବଣଭୋଜି

      ଆମ ବଣଭୋଜି 

      ==========

ଧନ୍ୟ ଧନ୍ୟ ଧନ୍ୟ ବଡ଼ଭାଇ ତୁମେ 

       ଆହେ ଶତପଥୀ ନନା l 

ଧନ୍ୟ ତୁମ ବଣଭୋଜି ଆହେ ନନା 

        ଧନ୍ୟ ତୁମ କଳପନା ll 

ବଣଭୋଜି କଲ ଏକାମ୍ର ଉଦ୍ୟାନେ 

      ନବ୍ୟ ଭବ୍ୟ ଅୟୋଜନ l 

ଧନ୍ୟ ଧନ୍ୟ ଭାଇ ଫକୀର ମୋହନ 

        ବଡ଼ ଭାଇ ନିରଞ୍ଜନ ll

ଶୁଭ ଦିନ ସେହି ଫେବୃଆରୀ ଚାରି 

         ଦୁଇ ହଜାର ଛବିଶ l 

ଦୂର ଦୂରାନ୍ତରୁ ବୁଧବାରେ ସର୍ବେ 

       ଏକତ୍ରିତ ହେଲେ ଆସି ll 

ଭାଇ ଓ ଭଉଣୀ ଇଣ୍ଡିଆନ ବ୍ୟାଙ୍କ 

         ଭୂତପୂର୍ବ କର୍ମଚାରୀ l 

କିଏ ବା ଷାଠିଏ, କିଏ ଅଶି, ପୁଣି 

      କିଏ ବା ଥିଲା ସତୁରୀ ll 

ଭ୍ରାତୃତ୍ୱ ପରବ ଏ ମହା ମିଳନ 

       ବଣ ଭୋଜି ଆମ ଏହି l

ଏଠି ନାହିଁ ଛୋଟ ବଡ଼ ଉଚ୍ଚ ନିଚ୍ଚ 

     ଯାତ୍ରୀ ଏକନାବେ ଭାଇ ll 

ଏକ ଠାବେ ବସି ଆହାର ବିହାର 

       ହସ ଗୀତ ଖୁସି ଗପ l 

ଗପୁ ଥିଲେ ଆମ ଅରବିନ୍ଦ ଭାଇ 

      ମଝିରେ ପକାଇ ସପ ll 

ଅତି ହରଷରେ ବାବୁ ଶ୍ରୀ ହରଷ 

      ଗାଇଲେ ମଧୁର ଗୀତ l 

ଖେଳ ଖେଳାଇଲେ ଶ୍ରୀମନମୋହନ

      ସାଥେ ଥିଲେ ମୁକ୍ତିକାନ୍ତ ll 

ନୃସିଂହ ବେହେରା ସୁନ୍ଦର ଚେହେରା 

        ସମ୍ଭାଳି ପାରିଲେ ନାହିଁ l 

ମୁଖେ ମୃଦୁହାସ୍ୟ କଲେ ମନତୋଷ 

       ଭଜନ ଜଣାଣ ଗାଇ ll 

ବଡ଼ ଛୋଟ ଆଉ ସବୁ ଭଗ୍ନୀ ଭାଇ 

     ଆସିଥିଲେ ଜଣେ ଜଣେ l 

ତାଙ୍କ ନାମ ଆଉ ନ ନେଉଛି ମୁହିଁ 

    କ୍ଷମା ଦେବେ ନିଜ ଗୁଣେ ll 

ଅଳପେ ଅଳପେ ସଭା ଶେଷ ହେଲା 

       ଲାଗିଗଲା ଭୋଜି ପର୍ବ l 

ଯାହା ଯାହା ହେଲା ଖାଦ୍ୟପେୟ ସବୁ 

        ମନ ଦେଇ ଶୁଣୁଥିବ ll 

ଡାଲି ଭାତ ସଙ୍ଗେ ଭଜା ପୁଣି ଖଟା 

      ମାଛ ମାଂସ ତରକାରୀ l 

ସୁସ୍ୱାଦୁ ବ୍ୟଞ୍ଜନ ପାଟିରୁ ନ ଯିବ 

      ଶେଷକୁ ପାମ୍ପଡ଼ ଖିରି ll 

ଅତି ଆନନ୍ଦରେ ସମାପନ ହେଲା 

     ଏକଠାବେ ଖାନା ପିନା l 

ଆଣି ଭୁଞ୍ଜାଇଲ ବନାରସୀ ପାନ

     ପ୍ରବୀର କୁମାର ଜେନା ll 

ବରଷୁ ବରଷ ଲାଗି ଥାଉ ଭାଇ 

    ଆମ ବଣଭୋଜି ଲୀଳା l 

କାହିଁ ବା ଉଦ୍ୟାନ କାହିଁ ବା କାନନ 

     ସଂସାର ଦି ଦିନ ଖେଳା ll 

ଏହିଠାରେ ଭାଇ ଆମ ବଣ ଭୋଜି 

      କଥା ହୋଇଲା ସମାପ୍ତ l 

ଆନନ୍ଦ ସାଗରେ ହରି ହରି ବୋଲ 

       ଜୟ ଜୟ ଜଗନ୍ନାଥ ll 

               🙏🙏🙏

                  ଅର୍ଜୁନୀ 

          --------------

ଅର୍ଜୁନୀ ଚରଣ ବେହେରା

ମୋ -୭୬୯୩୦୯୧୯୭୧