Library
Profile
ଆସିଗଲା ହୋଲି
ଆସିଗଲା ହୋଲି
ଆସିଗଲା ହୋଲି
===========
ଆସିଗଲା ଆସିଗଲାରେ ହୋଲି।
ଫଗୁଣେ ଫଗୁର ପସରା ମେଲି ।।
ହଲି ହଲି ଚାଲେ ଦୋଳ ବିମାନ।
ବିମାନେ ଶ୍ରୀରାଧା ରାଧାରମଣ ।।
ଘଣ୍ଟ ଘଣ୍ଟା ଖୋଳ ଛତ୍ରୀ ତରାସ ।
ଲାଗିଛି ଉଲ୍ଲାସ, ଫଗୁ ରାହାସ ।।
ରୋଷଣୀ ଚାଲିଛି, ଫୁଟୁଛି ବାଣ ।
ଜୟ ଜୟ ପ୍ରଭୁ ଗୋପି ଜୀବନ ।।
ରାଈନାଚେ ଭକ୍ତ ନାଚନ୍ତି ଗୋପି ।
ଗୋପିଙ୍କ ଶିରରେ ଚନ୍ଦନଟୋପି।।
ଷଣ୍ଢନାଚ ନାଚ କେଳା କେଲୁଣି ।
ଅଳପେ, ଅଳପେ ପଡ଼ଇ ପାଣି ।।
କଳା କାହ୍ନୁ କିବା କୁହୁକ ଜାଣେ ।
ଯେଣିକୁଚାହିଁବ ଦିଶଇ ତେଣେ ।।
ମଧୁରେ, ମଧୁରେ ବଂଶୀ ବାଜଇ।
ଗହ ଗହ ନାଦ କି ବୋଲି ଭାଇ।।
ମୃଦଙ୍ଗର ତାଳେ ତାଳେ କୀର୍ତ୍ତନ ।
ବାହୁତୋଳି ତୋଳି ଭକ୍ତ ନର୍ତ୍ତନ।।
ପିଚକାରୀ ରଙ୍ଗା ଅବିର ବୋଳା।
ରଙ୍ଗାୟିତ ହରିପ୍ରେମେ ବାଉଳା।।
ମଧୁର ବସନ୍ତେ, ମଧୁରେ ବାଇ ।
ପୀକେ କୁହୁ କୁହୁ କମ୍ପାନ୍ତି ମହୀ।।
ଭକ୍ତଦ୍ୱାରେ ବୁଲି ଦୋଳଗୋବିନ୍ଦ।
ଦ୍ୱାରୀଭୋଗ ଖାଇ ମହାଆନନ୍ଦ।।
ଗୋପାଳ ପୁଅଙ୍କ ଲଉଡ଼ି ଖେଳ ।
ଗୋପାଳ କମ୍ପାନ୍ତି ଗାଇ ଓଗାଳ।।
ଚାଲରେ ଫଗୁଆ ଯିବା ମେଲଣ ।
ଫଗୁ ଖେଳେ ସରି ଯିବ ଫଗୁଣ।।
ଜୟ, ଜୟ ପ୍ରଭୁ ରାଧା ଗୋବିନ୍ଦ।
ଆନନ୍ଦକନ୍ଦ ହେ ରାଈ ବିନୋଦ।।
ଆସଆସ ସବୁ ଖେଳିବା ହୋଲି ।
ଦୋଳ ଗୋବିନ୍ଦଙ୍କୁ ଶରଣ ଗଲି ।।
🙏🙏🙏
ଅର୍ଜୁନୀ
-----------
ଅର୍ଜୁନୀ ଚରଣ ବେହେରା
ମୋ -7693091971
