ବିଦାୟ - ୨୦୨୨

ଦୁଇ ହଜାର ବାଇଶି,

କିଛି ସୁଖ କିଛି ଖୁସି

ବିଦାୟ ଦେଉଛି ଆନନ୍ଦ ମନରେ

ତୁମକୁ ମୁଁ ହସି ହସି ।।

ନେଲି ମୁହିଁ ଅଵସର,

ପୂର୍ଣ୍ଣକରି କାରବାର

ବରିଷ୍ଠ ଭିତ୍ତିରେ ନାଗରିକ ହେଲି

ଗଣା ହୋଇଣ ଏଥର ।।

କରି ମୁହିଁ କନ୍ୟାଦାନ,

କଲି ପୂଣ୍ୟ ଅରଜନ

ଶଶୁର ହୋଇଲି ବୟସ୍କ ରୂପରେ

ସେବାରେ ଦେଲି ମୋ ମନ ।।

ମନେ ଥିବ ସଦାବେଳେ,

ଭୁଲିବିନି କେବେହେଲେ

ଯାହା ମୁଁ ଚାହିଁଛି ତାହା ମୁଁ ପାଇଛି

ତୁମ ଆଶିଷର ବଳେ ।।

କଲ ସଭିଙ୍କ ମଙ୍ଗଳ,

ବହୁ ମାତ୍ରାରେ ସଫଳ

ଦେଉଛି ବିଦାୟ ତେଇଶିକୁ ଏବେ

ସ୍ୱାଗତ କରିବା ବେଳ ।।