ମୋ ପାଇଁ

ମୋ ପାଇଁ ସବୁଦିନର ସକାଳ

  ଆଜିର ସକାଳ ରେ ନାହିଁ କିଛି ଫରକ

ଜୀବନ ର ଅବିରାମ ଗତିରେ

   ଜୀବନ ଜୀବକାର ସେଇ ସଂଘର୍ଷ l

ଭୋକିଲା ପେଟ ଆଉ ଶୋଷିଲା

   ମନର ଶୁଖିଲା ମୁହଁରେ ଲୁହ ଦି ଧାର

ତାରିଖ ବଦଳେ କ୍ୟାଲଣ୍ଡର ବଦଳିବ

    ବଦଳିବନି ମୋ ଦୈନନ୍ଦିନ ଜୀବନ ଧାରା l

ନୂଆଁ ବରଷ କଣ ମୁଁ ଜାଣେନା

    ସେଥିପାଇଁ ନାହିଁ କିଛି ଶୋଚନା

ପୋଡି ଯାଉଥିବା ଉଦର ଯେଉଁଦିନ ଶାନ୍ତ

    ସେଇଦିନ ମୋ ପାଇଁ ଉତ୍ସବ ପାଳନା l

ସିନ୍ଦୂର ଫାଟିବା ଆଗରୁ ଲାଗିଯାଏ କର୍ମେ

      ନାହିଁ କିଛି ମୋର ଭାବନା

ଶ୍ରମ ବିନା ଦୁନିଆ ଅନ୍ଧାର ମୋ ପାଇଁ

      ତା ଛଡା ଆନ କିଛି ଜାଣେନା l