ନମସ୍ତେ ଦେବ ଶୂଳପାଣି

ନମସ୍ତେ ଦେବ ଶୂଳପାଣି l

  ଅଙ୍ଗେ ଭୂଷଣ ତୋର ଫଣୀ ll

ନମସ୍ତେ ଦେବ ପଞ୍ଚାନନ l

   ସର୍ବାଙ୍ଗେ ଭସ୍ମ ବିଲୋପନ ll

ନମସ୍ତେ ଦେବ ମହେଶ୍ୱର l

     ଶ୍ମଶାନ ବାସୀ ଦିଗମ୍ବର ll

ନମସ୍ତେ ଦେବ ଆଶୁତୋଷ l

   ନମସ୍କାରରେ ତୁ ସନ୍ତୋଷ ll

ନମସ୍ତେ ଦେବ ବିଶ୍ୱନାଥ l

   ତୁ ଦେବ ବିଶ୍ୱ ସଂହାରକ ll

ନମସ୍ତେ ଦେବ ନୀଳକଣ୍ଠ l

     ଗରଳ ପିଇଲୁ ଆକଣ୍ଠ ll

ନମସ୍ତେ ଅମ୍ବିକାଙ୍କ ଧବ l

  ତୁ ଦେବ ଦେବ ମହାଦେବ ll

ନମସ୍ତେ ଶଶାଙ୍କ ଶେଖର l

  ଗଙ୍ଗା ତୋ ଜଟାରୁ ବାହାର ll

ନମସ୍ତେ ଦେବେଶ ମହେଶ l

   ତୋ ବାସ ଅଟେ କଇଳାଶ ll

ନମସ୍ତେ ଦେବ ତ୍ରିଲୋଚନ l

     କାମକୁ କଲୁ ତୁ ଦହନ ll

ନମଃ ତାଣ୍ଡବ ନୃତ୍ୟକାରୀ l

    ନମସ୍ତେ ଦେବ ତ୍ରିପୁରାରୀ ll

ମହାଯୋଗୀ ତୁ ଯୋଗେଶ୍ଵର l

    ତୁ ଭୋଳା ରୁଦ୍ର ତୁ ଶଙ୍କର ll

ତୋ ହସ୍ତେ ଶୋଭଇ ଡମ୍ବରୁ l

    ହର ତୁ ପ୍ରାଣୀ କଷ୍ଟ ହରୁ ll

ଅସଂଖ୍ୟ ଅଟେ ନାମ ତୋରି l

   ବର୍ଣ୍ଣି କି ପାରେ ଦେହଧାରୀ ll

ନମସ୍ତେ ଦେବ ମହାକାଳ l

      ଶରଣ ପଶିଲି ସମ୍ଭାଳ ll