ନିଷ୍ପ୍ରଭ ଦୀପାବଳୀ
ନିଷ୍ପ୍ରଭ ଦୀପାବଳୀ
ଶ୍ରୀ ରାମ ରାବଣ ମାରିଲେ
ସୀତା ଉଦ୍ଧାର କଲେ ,
ସୀତା ଓ ଲକ୍ଷ୍ମଣ ସହିତ
ଅଯୋଧ୍ୟା ଫେରିଲେ ।
ଅସତ୍ଯ ଉପରେ ସତ୍ୟର
ଜୟ ଧ୍ୱଜା ଉଡିଲା ,
ଶ୍ରୀ ରାମଙ୍କୁ ପାଇ ଅଯୋଧ୍ୟା
ପୁଣି ଗର୍ବିତ ହେଲା ।
ଖୁସୀରେ ଅଯୋଧ୍ୟା ବାସୀଏଁ
ରାମେ ସ୍ୱାଗତ କଲେ ,
ପ୍ରଦୀପ ଜଳାଇ ନଗର
ଆଲୋକିତ କରିଲେ ।
ଦୀପାବଳୀ ନାମେ ଦିନଟି
ଅଭିହିତ ହୋଇଲା ,
ତ୍ରେତୟା ଯୁଗରୁ ଏ ଯାଏଁ
ଦେଶେ ପାଳିତ ହେଲା ।
ଆଲୋକର ପର୍ବ ଦୀବାଲି
ଅତି ଆନନ୍ଦ ଦିଏ ,
ମାଆ କାଳୀଙ୍କର ପୂଜାବି
ଏହି ଦିନରେ ହୁଏ ।
କାର୍ତ୍ତିକ ଅମାବାସ୍ଯାରେ
ଏହା ପାଳିତ ହୁଏ ,
ଉଜ୍ଜ୍ବଳ ଆଲୋକ ମାଳାରେ
ଦେଶ ଶୋଭିତ ହୁଏ ।
ପ୍ରଦୀପ ମାଳାରେ ପୁରିତ
ସାରା ଧରଣୀ ହୁଏ ,
ପିଠା, ପଣା, ପୂଜା ଅର୍ଚ୍ଚନା
ପ୍ରତି ଗୃହରେ ହୁଏ ।
ଅନେକ ପ୍ରକାର ବାଣ ବି
ଲୋକ ଫପଟାଇଥାନ୍ତି ,
ପିତୂପୁରୁଷଙ୍କ ଶ୍ରାଦ୍ଧ ବି
ଏହି ଦିନେ କରନ୍ତି ।
ବଡ଼ ବଡୁଆଙ୍କୁ ଡାକନ୍ତି
କାଉଁରିଆ ଜଳାଇ ,
ଅନ୍ଧାରେ ଆସି ଆଲୁଅରେ
ତୁମେ ଯାଅ ପଳାଇ ।
ପରୁଷୋତ୍ତମ ଙ୍କ ଧାମରେ
ମହାପ୍ରସାଦ ଖାଅ ,
ବାଇଶି ପାହାଚ଼ ଉପରେ
ଗଡ ଗଡ ଗଡଉ ଥାଅ ।