End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Sriman Bapu

Abstract Romance Fantasy


4.0  

Sriman Bapu

Abstract Romance Fantasy


ନିରୁଦ୍ଦିଷ୍ଟ

ନିରୁଦ୍ଦିଷ୍ଟ

1 min 24 1 min 24

ଆଜି କାଲି ସେ ଆଉ 

ଆକାଂକ୍ଷାର ବିଶାଳ ସମୁଦ୍ରକୁ ଦେଖି 

ହତୋତ୍ସାହିତ ହେଉନାହିଁ ।


ନିର୍ଜନ ବେଳାଭୂମିରେ 

ସମୁଦ୍ରକୁ ପିଠି କରି    

କାନରେ ହାତ ରଖି ବସି ରହିଥିଲା ଦିନେ ,

 

ତୁ ଭେନସ୍ ନହୋଇ 

ଯଦି ବାଟ ମଙ୍ଗଳା ହୋଇଥିବୁ 

ତେବେ ପାଉଁଜି ରୁଣୁଝୁଣୁ କରି 

ନାଲି ଟହ ଟହ ଶାଢ଼ୀ ପିନ୍ଧି ଆସିବୁ । 


ଅପେକ୍ଷାରେ ଦିନ ପରେ ଦିନ 

କାହିଁ କେତେ ଯୁଗ ବିତିଗଲା.... ।

 

ନିଶ ଦାଢ଼ି ତା'ର ଲମ୍ବି ବାଲି ସହ ମିଶି 

ହୁଙ୍କା ପାଲଟି ଗଲା , 

ସମୁଦ୍ରର ଗର୍ଜନ ଟିକିଏ ବି 

ଶୁଭିଲାନି ତାକୁ ଆଉ ।


ସୈଣ୍ଡ୍ରୋ ବୋଟୀସେଲୀଙ୍କ ଭେନସ୍ ଭଳି 

ତୁ ସେଇମିତି ଖୋଲା ଶାମୁକା ଉପରେ 

ଅଣ୍ଟାଭାଙ୍ଗି ଲମ୍ବା କେଶରେ 

ତୋ କୁମାରୀତ୍ୱକୁ ଲୁଚାଇ ଠିଆ ହୋଇଥାଉ । 


କାହିଁ କେତେ ଯୁଗ ପରେ.... 

ହୁଙ୍କା ବଢ଼ିଯାଇ ବିଶାଳ ପାହାଡ଼ର ରୂପ ନେଲା । 

ତା' ତପ କି ନିଦ ଭାଙ୍ଗିବାକୁ  

ଲହଡ଼ି ସତଚେଷ୍ଟା କଲେ ବି

ସେ ଥିଲା ଅଚଳ ଆଉ ଅଟଳ ।


ଦିନେ ତୁ ଉଗ୍ରରୂପ ଧରି  

ତାକୁ ଭାଙ୍ଗିବାକୁ ତୋଫାନ 

ଆଉ ବିଜୁଳି ହୋଇ ଗରଜି ପଡ଼ିଲୁ ।


ପାହାଡ଼ ଫାଟି ଆଁ କଲା ,

ପଥର ସବୁ ବରଫ ଭଳି ତରଳି ଗଲା 

ତା'ପରେ ସବୁ ଜଳ ମଗ୍ନ ।


ଧୂଳି ଟିକିଏ ବି ନଥିଲା 

ତା'ର ସତ୍ତାକୁ ପ୍ରମାଣିତ କରିବାକୁ । 


ସେବେଠୁଁ ଆଜିଯାଏଁ 

କେହି କେବେ ଭେନସ୍ କୁ 

ଦେଖି ନାହାନ୍ତି କି 

ବାଟ ମଙ୍ଗଳାର ପାଦ ଶବ୍ଦ 

ଆଉ ପାଉଁଜିର ରୁଣୁଝୁଣୁ 

ଶୁଣି ନାହାନ୍ତି..... ।


Rate this content
Log in

More oriya poem from Sriman Bapu

Similar oriya poem from Abstract