Library
Profile
ନିଦ ମାଉସୀ ଦେ ଆଉଁସି
ନିଦ ମାଉସୀ ଦେ ଆଉଁସି
ନିଦ ମାଉସୀ ଲୋ ନିଦ ମାଉସୀ ତୁ
ଦଉଡି ଦଉଡି ଆ
ମୋ ଧନ ମୁଣ୍ଡରେ ହାତ ବୁଲେଇ ତୁ
ଶୁଆଇ ଦେଇ ଯେ ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ଜଲଦି ଜଲଦି ଆ
ମୋ ଧନ ଆଖିରେ ନିଦ ଭରିଦେଇ
ତୋ ଘରକୁ ତୁ ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ସପନ ନେଇ ତୁ ଆ
ମୋ ଧନ ଆଖିରେ ସପନ ଭରି ତୁ
ଯେତେ ସୁଖ ଦେଇ ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ମନ ସିକ୍ତ କରି ଯାଆ
ନିଦରେ ଧନ ମୋ କ୍ଳାନ୍ତି ଭୁଲିଯାଉ
ପଣତ ଘୋଡାଇ ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ମୋ ଧନ ପାଖକୁ ଆ
ମୋ ଧନ ମୁଣ୍ଡକୁ ଆଉଁସି ଦେଇ ତୁ
ବିଭୁ ପ୍ରେମ ଭରି ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ରାତ୍ରୀ ଅନ୍ଧକାରେ ଆ
ତୋ ପଣତ କାନି ଘୋଡାଇ ଦେଇ ତୁ
ନିଦରେ ଶୁଆଇ ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ସପନ ଯେ ନେଇ ଆ
ସପନ ପେଡିରୁ ସଂସ୍କାର ର କଥା
ତା ମନରେ ଭରି ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ଜହ୍ନ ଆଲୁଅରେ ଆ
ମୋ ଧନ ମନରେ ଜୀଇଁ ବାର କଳା
ଶିଖାଇ ଦେଇ ତୁ ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ତାରା ଫୁଲ ମେଳେ ଆ
କର୍ମ କର୍ତ୍ତବ୍ୟ ର ସୁମିରଣ ଧାରା
ତା ପାଖେ ବରଷି ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ଧର୍ମ ଧାରା ସଙ୍ଗେ ଆ
ଧର୍ମ ଧାରାର ସେ ଅମୃତ ପ୍ଳାବନେ
ମନେ ଶାନ୍ତି ଭରି ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ଦୟା ଝୋଲି ନେଇ ଆ
ଦୟା ,କ୍ଷମା ଗୁଣ ତା ମନେ ପରଶି
ସନ୍ତୋଷ ତୁ ଭରି ଯାଆ ।
ନିଦ ମାଉସୀ ଲୋ ନିଦ ମାଉସୀ ତୁ
ଜଲଦି ଜଲଦି ଆ
ମୋ ଧନ ମୁଣ୍ଡକୁ ଆଉଁସି ଦେଇ ତୁ
ଶାନ୍ତି ଭରି ଦେଇ ଯାଆ ।
ନିଦ ମାଉସୀ ଲୋ ଦେ ଆଉଁସି ତୁ
ମୋ ଧନ ପାଖକୁ ଆ
ଶୋଇ ପଡିଲେ ତୁ ନିଶବ୍ଦ ପଦରେ
ତା ପାଖରୁ ଚାଲି ଯା ।
