Library
Profile
ନାରିଟିଏ ମୁଁ ନାରୀଟିଏ
ନାରିଟିଏ ମୁଁ ନାରୀଟିଏ
ନାରୀଟିଏ ମୁଁ ନାରୀଟିଏ
ଅନେକ ଚରିତ୍ର
ମୋ ଜୀବନରେ
କେବେ ଝିଅ
କେବେ ଭଗ୍ନି
କେବେ ପ୍ରେମିକା
ପୁଣି କେବେ ବହୁ
ଆଉ ପୁଣି କେବେ ପତ୍ନିଟିଏ
ନାରୀଟିଏ ମୁଁ ନାରୀଟିଏ
ମଧୂମାଳତୀର ଲତାଟିଏ
କୋମଳ ହୃଦୟ
ଧର୍ଯ୍ଯରେ ମୋ ପୂର୍ଣ୍ଣ
ସହନଶୀଳତାର
ମୂର୍ତ୍ତିମନ୍ତ ପ୍ରତୀକଟିଏ
ନାରୀଟିଏ ମୁଁ ନାରୀଟିଏ
ଜୀବନ ମୋ ସାର୍ଥକ ହୁଏ
ହୁଏ ଯେବେ ମୁଁ ଅନ୍ତଃସତ୍ତ୍ୱା
ମୋ ଭିତରେ ମୁଁ ଅଛିବୋଲି
ଜାଣେ ଯେବେ ଏ ସଂସାର
ଅତି ନିର୍ଦ୍ଦୟ ଓ ନିର୍ମମଭାବେ
କରିଦିଏ ମତେ ହତ୍ଯା
ନାରୀଟିଏ ମୁଁ ନାରୀଟିଏ
ବାଛି ବାଛି ମୁଁ ଜନ୍ମଦିଏ
କେବଳ ପୁତ୍ର ସନ୍ତାନ
ଅତିଯତ୍ନରେ ବଢାଇବାକୁ ତାକୁ
ଦେଖୁଥାଏ ନିତି ସ୍ୱପ୍ନ
ପେଟ ଭିତରେ ସେ
ମାରିଲେ ଗୋଇଠା
ଆନନ୍ଦରେ ପୁରେ ମନଟା
ଅନ୍ତଫାଡି ତାକୁ
ଜନ୍ମ ଦେବାପାଇଁ
ସହିବାକୁ ହୁଏ ମତେ କେତେ କଷ୍ଟ
ଥରେ ଖାଲି ଶୁଣି
କୁଆଁ କାନ୍ଦ ତାର
ତନୁମନ ହୁଏ ପୁଲକିତ
ପ୍ରଥମେ ଯେବେ ସେ
ଡାକେ ମତେ ମାଆ
ମିଳେ ମତେ ସ୍ୱର୍ଗ ସୁଖ
ଦୁଃଖ କଷ୍ଟ ସହି
ବଢାଏ ତାକୁ ମୁଁ
ସେ ଅଟେ ପରା ମୋ କୁଳ ପ୍ରଦୀପ
ନାରୀଟିଏ ମୁଁ ନାରୀଟିଏ
ସେଇ ପୁଅ ପଣି
ବଡ ହେଲା ପରେ
ମାରେ ଯେବେ ମତେ ଗୋଇଠା
ଭିଜୁଥାଏ ଆଖି
ଲୁହରେ କେବଳ
ମୋ ଚିରା ଲୁଗା କାନିଟା
ନାରୀଟିଏ ମୁଁ ନାରୀଟିଏ
ହସିହସି ମୁଁ ସବୁ ସହେ
ତଥାବି କେବଳ
ହୃଦୟରୁ ମୋର
କରୁଣାର ଧାରା ବହେ
ନାରୀଟିଏ ମୁଁ ନାରୀଟିଏ
