ଲାଇବ୍ରେରୀ
ପ୍ରୋଫାଇଲ୍
ରାକ୍ଷୀ ଓ ଭଉଣୀ
ରାକ୍ଷୀ ଓ ଭଉଣୀ
1 min
245
ବରଷର ଆଜି ଅଟେ ସେହିଦିନ
ହୃଦୟ ଯେବେ ମୋ କାନ୍ଦେ।
କହିବାକୁ ମୋର ଅନେକ ଭଉଣୀ
କେହି ନକହନ୍ତି ପଦେ।।
ସଭିଙ୍କ ହାତରେ ରାକ୍ଷୀ ମାଳମାଳ
ମୋ ହାତ ରହିଛି ଖାଲି।
ରକ୍ଷକ ନୁହେଁ ମୁଁ କେଉଁ ଭଉଣୀର
ସଭିଏଁ ତ ଶେରାବାଲୀ।
ହୃଦୟଟା ଜମା ବୁଝୁ ନାହିଁ ମୋର
କରୁଛି ବେକାର ଅଳି।
ବିଧାତା ଲେଖିନି ମୋ ଭାଗ୍ଯେ ଭଉଣୀ
ରାକ୍ଷୀ ଆଉ ଅର୍ଘ୍ଯ ଥାଳି।
ଯେତେ କାନ୍ଦିଲେବି ଆସିବେନି କେହି
ଲୁହ ପୋଛିବାକୁ ତୋର।
ଭଉଣୀମାନଙ୍କୁ ମିଳୁନାହିଁ ଜମା
ସଂସାର ଜଞ୍ଜାଳୁ ତର।
ନିଜକୁ ନିଜେ ତୁ ଦେଇଦେ ସାନ୍ତ୍ୱନା
କାହିଁକି ହେଉ ଅବୁଝା?
ଭାଗ୍ଯରେ ନାହିଁ ତେ ଭଉଣୀର ସ୍ନେହ
ଏଇକଥା ତୁ ବୁଝିଯା।
