ନାରୀ, ତୁ ଲକ୍ଷ୍ମୀ ଦୁର୍ଗା ସରସ୍ଵତ
ନାରୀ, ତୁ ଲକ୍ଷ୍ମୀ ଦୁର୍ଗା ସରସ୍ଵତ
ଉଚ୍ଚ..ନୀଚ, ଧନୀ..ଦରିଦ୍ର, ଜାତିଆଣ, ଅସ୍ପୃଶତl,
ଜାତିଭେଦ କୁସଂସ୍କାର ପରି
ଆଜି ବି ସମାଜରେ ପୁତ୍ର ସନ୍ତାନ ପ୍ରାପ୍ତି ନିମନ୍ତେ
ପ୍ରବଳ ଉତ୍କଣ୍ଠା ରହିଅଛି ଭରି ।
ସମାଜରେ କିଛିଠାରେ କନ୍ୟାରତ୍ନ ମାନି ନାରୀ
ସମ୍ମାନିତ, ପୂଜିତ ଆଉ ହୁଏ ପାଳିତ
ସମାଜରେ କିଛି ଲୋକ ଏବେ ବି କନ୍ୟା ଭୃଣ
ହତ୍ୟା କରି ସମାଜକୁ କରନ୍ତି କଳଙ୍କିତ ।
କନ୍ୟା ସନ୍ତାନଟିଏ ଘରେ ଜନ୍ମ ହୋଇଲେ ହୁଏନା
ପରା ବଣ୍ଟା ମିଠା, ରସଗୋଲା
ଲକ୍ଷ୍ମୀର ଅବତାର ବୋଲି ତମେ ଭାବ ଯଦି, ଏଠି
ସେ କିପରି କୁହ ଅଭାଗା ହେଲା ।
ଯୌତୁକତାର କୁତ୍ସିତ ମାନସିକତା ସୃଷ୍ଟି କରି ତୁମ
ମନ ସଦା ଆନ୍ଦୋଳିତ ଓ ଭାରାକ୍ରାନ୍ତ
ନବୁଝ କାହିଁକି କନ୍ୟା ରତ୍ନ ବି ଜିଣି ପାରେ ପୁତ୍ର
ପରି ବିଦ୍ୟା ବୁଦ୍ଧି ବଳେ ଏ ଜଗତ ।
କୁହତ ଏ କଣ କୁତ୍ସିତ ମାନସିକତା ନୁହେଁ କି?
ଜାଗ ହେ ସର୍ବଜନ ସାଧାରଣ କାହିଁ କରୁଛ ନାରୀ
ପ୍ରତି ଏଇ ଘୋର ଅପମାନ
ସେ ତ ସୁନ୍ଦର ସୃଷ୍ଟିର ସୃଜନ ନିରୀହ ସରଳ କେବେ
ତ ବ୍ୟର୍ଥ ନୁହେଁ ତାହାରି ଜୀବନ ।
ନାରୀ ନର୍କ କୁ ବି କରିପାରେ ଅମରାବତୀ, ସେ ତ
ହସିଲେ ଦୁନିଆ ହସିବ, ହେବ ସୁଖର ସଂସାର
ହେ ପାପିଷ୍ଠ ଲକ୍ଷ୍ମୀ, ଦୁର୍ଗା, ସରସ୍ଵତୀର ଅବତାର,
ଆଉ କନ୍ୟା ଭୃଣ ହତ୍ୟା ନ କର ।
ସେ ନୁହେଁ କେବଳ ଖବର କାଗଜର ଅବା ଶାଢ଼ୀ
ଦୋକାନର ବିଜ୍ଞାପନଟିଏ
ସେ ଜାୟା, ଜନନୀ, ଭଗିନୀ, ଦୁହିତା ଓ ଦୁଇ କୁଳ
କୁ ହିତା, ଏକାନ୍ତ କୋଣେ ରହିବାକୁ ନୁହେଁ ।
ବିଭତ୍ସ, କୁତ୍ସିତ, ଘୃଣ୍ୟ ଅନ୍ଧବିଶ୍ୱାସ ମାନସିକତା,
ଘୃଣ୍ୟ ସାମାଜିକ ପ୍ରଥା ସମାଜରେ
ହାୟ, ଯାହାକୁ ପାଥେୟ କରି ମଣିଷ କରି ଚାଲେ
ଗୋଟିଏ ପରେ ଗୋଟିଏ ଭୁଲ ଅଦୂରଦର୍ଶିତାରେ ।
କେତେ ଜୀବନ ହୋଇ ଉଠେ ଏଠ ହାଃ ହାଃ କାର
ଭରଇ ଶୁନ୍ୟତା କେତେ ହୃଦୟରେ
କେତେ ଭବିଷ୍ୟତ ହୁଅଇ ଅନ୍ଧାକାର, ଝରିଯାଏ ତ
କେତେ ନିରୀହ ପରାଣ ଅକାଳରେ ।
ଏକ ସୁସ୍ଥ ସମାଜର ଗଠନ ପାଇଁ ଏ ଅନ୍ଧ ବିଶ୍ୱାସ ଓ
କୁସଂସ୍କାରକୁ ଦେବା ଦୁରେଇ
ଚଳାଇବା ଶିକ୍ଷା ଅଭିଯାନର ଯାତ୍ରା, ସୃଷ୍ଟି କରିବା ନୂତନ
ଉତ୍ସାହ ଓ ଉଦ୍ଦୀପନା ମାନସିକତାର ପରିବର୍ତ୍ତନ ପାଇଁ ।