ମୂକ ସାକ୍ଷୀ

ଗାଁ ଶେଷ ମୁଣ୍ଡରେ ଥିବା

ବିଜୁଳି ର ଖୁଣ୍ଟଟି

ତୋ ଆଉ ମୋ ଭଲ

ପାଇବା ର ମୂକ ସାକ୍ଷୀ

ତୋ ଆଉ ମୋ ଭିତରେ ଜଳୁଥିଲା

ଭଲ ପାଇବାର ଅଗ୍ନିଶିଖା

ଠିକ୍ ଗାଁ ଶେଷ ମୁଣ୍ଡରେ

ଥିବା ବିଜୁଳି ର ଆଲୁଅ ପରି।

ଗାଁ ଶେଷ ମୁଣ୍ଡରେ ଥିବା

ଖୁଣ୍ଟଟି ଏବେ ବି ଜଳୁଛି

ହେଲେ କୁଆଡେ଼ ଗଲା ତମ ପ୍ରତିଶୃତି

ଲିଭିଗଲା ଅଗ୍ନିଶିଖା

ରହିଗଲା ଖାଲି ପାଉଁଶ ର ଅବଶେଷ ।

ଭଲ ଥିଲା ସେ ବିଜୁଳିଖୁଣ୍ଟ

ନୀରବ ପ୍ରେମିକ ପରି

ଆଜି ବି କରିଛି ପ୍ରତୀକ୍ଷା 

ମୋ ଫେରିବା ପଥକୁ

କରିଛି ଅପେକ୍ଷା।