Library
ମୁଁକାର ରୁ ଓଁକାର
ମୁଁକାର ରୁ ଓଁକାର
ହେ ସୁମନ ,କର ଧ୍ୟାନ ନିରାକାର
ଅଖିଳ ବ୍ରହ୍ମାଣ୍ଡ ଯା'ର ଚରାଚର
ପ୍ରଣମେ ସେ ବିଧାତାରେ ହେ
ହେ ପୁରୁଷାର୍ଥ ଆନନ୍ଦ କାରକ
ସର୍ବ ଗୁଣଗ୍ରାହୀ ଆତ୍ମା ନିୟାନ୍ତକ
ବ୍ରହ୍ମଜ୍ୟୋତି ଅନ୍ଧକାରେ ହେ ।
ହେ ପରମଜ୍ଞାନୀ ମହାଗୁରୁ ଦେବ,
ଅନାଦି ଅଣାକାର ହେ ବଇଷ୍ନବ
ନିତ୍ୟ ସତ୍ତା ଚିରନ୍ତନ ହେ
ନମାମି ନମାମି ହେ ପରମେଶ୍ବର
ହେ ସକଳ ନାଥ ଉଦ୍ଧାର କର
ପତିତ ମୁଁ ବୁଦ୍ଧିହୀନ ହେ ।
ଅନାଦି ଅନନ୍ତ ପଥପ୍ରଦର୍ଶକ
ପତିତପାବନ ପ୍ରଭୂ ଜଗନ୍ନାଥ
ଦାରୁବ୍ରହ୍ମ ଭାବଗ୍ରାହୀ ହେ
ଆସ ଆସ ଦୀନନାଥ ଅବତରୀ
ଭକ୍ତ ପ୍ରାଣବନ୍ଧୁ ଶ୍ରୀକୃଷ୍ଣ ମୁରାରୀ
କରେ ଗୁହାରୀ ପ୍ରଭୂ ହେ ।
ସର୍ବ ଦେହ ଦେହୀ ପ୍ରଭୂ ଭାବଗ୍ରାହୀ
ଫୁଲର ମହକେ ଜଳ ସ୍ରୋତେ ତୁହି
ମାତୃ କରୁଣା ହୋଇ ହେ
ଅନ୍ନେ ଶୌର୍ଯ୍ୟ ଜ୍ଞାନେ ବେଦ ପରମାତ୍ମା
ଧମନୀର ଲହୁ ତୁମେ ହିଁ ଜୀବାତ୍ମା
ମୁଁକାରରୁ ଓଁକାର ହୋଇ ହେ ।
ତୁମେ ପିତାମାତା ଜଗତ ବିଧାତା
ଅଦୃଶ୍ୟର ଦୃଶ୍ୟ ପରମ କରତା
ଧରା ପୃଷ୍ଠେ ଆସି ହେ
ଅକିଞ୍ଚନେ ଦୟା ଆହେ ସର୍ବନାହା
ଶରଣ ଗଲି ଭବତାରଣ ସାହା -
ହୁଅ ମୁଢ଼ , ପାପ ବିନାଶି ହେ ।
