Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sadananda Sahoo

Classics Fantasy Inspirational

4  

Sadananda Sahoo

Classics Fantasy Inspirational

ମୋ'ଗାଁଆ ସୁନା ମାଆ

ମୋ'ଗାଁଆ ସୁନା ମାଆ

1 min
429


ମୋ'ପରାଣ ମିତ ଜୀବନ ସଙ୍ଗାତ

     ଟିକି ମୋର ସୁନା ଗାଁଆ

ତାଆ ଧୂଳି ମାଟି ଦେହରେ  ବୋଳିଛି

      ହୃଦୟେ ଲେଖିଛି ନାଁଆ  ।


କୁଆଁକୁଆଁ ରାବ ତା'କୋଳେ ଆରମ୍ଭ

    ତା'କୋଳେ ଜଳିବ ଚିତା

  କୁହୁକ ମନ୍ତର କରିବ ନିଶ୍ଚୟ

    ବିଲୀନ ହେବ ମୋ ସତ୍ତା ।


ଆଶା ଆକାଂକ୍ଷାର ପହିଲି ସପନ

     ପ୍ରିୟ ଭିଟା ମାଟି ଗାଁଆ

ନବ କଳବରେ ସମୃଦ୍ଧି ପଥରେ

     ଉଜ୍ଜୀବିତ ତାର ନାଁଆ ।


ଝାଟି ମାଟି ଘର ଇତିହାସ ତା'ର

     ବଦଳି ଯାଇଛି ଚିତ୍ର 

ତଥାପି ହସୁଛି ସ୍ବାଗତ କରୁଛି

     ସାଜିଛି ସେ' ମନମିତ ।


 ରଙ୍ଗବେରଙ୍ଗର ସୁସ୍ଥ ପରିବେଶ

     ମୁକ୍ତାକାଶ ରଙ୍ଗମଞ୍ଚ

ପ୍ରତି ମୁହୂର୍ତ୍ତରେ  ହସ ଭରିଦିଏ

    ସକାଳ ହେଉ କି ସଞ୍ଜ  ।


ନଦ ନଦୀ ହ୍ରଦ ଅବା କୃଷି କ୍ଷେତ୍ର

     ସବୁତା ବିଭବ ରାଜି

ସଭିଏଁ ହସନ୍ତି ସତେ ମନ ଖୋଲି

    ଭାବନା ରାଇଜେ ହଜି ।


ବିଲମାଳ ପାଟ ମୋ'ଗାଁ ଗୌରବ

     ସବୁଜିମା ତା'ର ସାଥୀ 

ଦୂର ହେଉ ପାଖ ସୌନ୍ଦର୍ଯ୍ୟ ସୌହାର୍ଦ୍ଧ୍ୟ

     ଭରିଯାଏ ମନେପ୍ରୀତି ।


ମାଟି ମାଆ ଗାଁଆ ଲିପିବଦ୍ଧ ନାଁଆ

     ଝଲସି ଉଠୁଛି ଚିତ୍ର

ହସୁ ସବୁଦିନ ଏଇମୋର ମନ

     ହୃଦୟ ପରାଣ ମିତ୍ର ।


ଭୂଗୋଳ ପୋଥିରେ ନଥାଉ ପଛରେ

    ସୀମା ସରହଦ ନାଁଆ 

ଆଞ୍ଚଳିକ ଚିତ୍ର ସର୍ବଦା ବିଦିତ

    ଗାଁଆ ମୋର ସୁନା ମାଆ ।


Rate this content
Log in