ମୋ ବନ୍ଧୁ

ଅବର୍ଣ୍ଣନୀୟ ସେ    ବନ୍ଧୁତାର କଥା

     ବର୍ଣ୍ଣିବାକୁ ଶବ୍ଦ କାହିଁ

ଯେତେ କହିଲେ   ବି ଅଧା ରହିଯିବ

     ଜମା କହିହେବ ନାହିଁ ।

ହୃଦୟ ମିଳନ     ଆତ୍ମାର ମିଳନ

      ଦୁଇ ଦେହ ଏକମନ

ପରସ୍ପର ପ୍ରତି     ପ୍ରେମ ଚିରନ୍ତନ

    ଦୁଇଆଖି ଗୋଟେ ସ୍ୱପ୍ନ ।

ନଥାଏ ଯେଉଁଠି    ଛଳନାର ପ୍ରଶ୍ନ

    ରହେ ନାହିଁ ଭେଦଭାବ

ବନ୍ଧୁତା ଏମିତି     ଅତୁଟ ସଂପର୍କ

      ଚିରଦିନ ରହିଥିବ ।

ସ୍ୱାର୍ଥ ଥିଲେ ଭାଇ   ବନ୍ଧୁତା ହୁଏନା

     ସଂପର୍କ ତ ଭାଙ୍ଗିଯାଏ

ଗୋଟିଏ ମୁଦ୍ରାର  ଦୁଇଗୋଟି ପାର୍ଶ୍ଵ

      ଏହିପରି ରହିଥାଏ ।

କାହିଁ ପ୍ରେମ କାହିଁ   ବନ୍ଧୁତା ସୁନ୍ଦର

      ଯହିଁ ବିଶ୍ୱାସର ଘର

ଜୀବନର ଯେତେ କଥା ଆଉ ବ୍ୟଥା

    ବନ୍ଧୁ ଯେ ସାକ୍ଷୀ ତାହାର ।

ସବୁଠାରୁ ଭଲ  ଅଟେ ଯେ ବନ୍ଧୁତା

     ନଥାଏ ପର ଆପଣା

ସୁଖଦୁଃଖ ବେଳେ ଥାଏ ପାଖେପାଖେ

      ହୁଏନାହିଁ ବାଟବଣା ।

ବନ୍ଧୁତାରେ ଥିଲେ   ସେତିକି ବିଶ୍ୱାସ

    ଆସୁ ଯେତେ ଝଡଝଞ୍ଜା

ଭାଙ୍ଗି ପାରିବନି    ଏମିତି ସଂପର୍କ

     ବନ୍ଧୁତାରେ ଅଛି ମଜା।

ବନ୍ଧୁତାର ସଂଜ୍ଞା    ବୁଝେଇ ହୁଏନା

       ଅନୁଭବ ହୃଦୟର

ହସଲୁହ ଭରା     ଜୀବନର ବାଟ

     ବନ୍ଧୁ ଅଟେ ଆପଣାର ।