ଅଭିମାନୀ ଶୀତ
ଅଭିମାନୀ ଶୀତ
ଅଭିମାନୀ ଶୀତ ଆସେ
ଅଭିମାନ ଭରା ଥୁରୁଥୁରୁ ଓଠରେ
ମାଛି ଅନ୍ଧାରର ଗହଳ ନିଦରେ
ଅଭିମାନୀ ପ୍ରୀୟାର ବାହୁ ବନ୍ଧନରେ
ପ୍ରୀତିର ଆଖି ତଳେ କଜଳ ଗାର ଧାରେ
ଅଳସି ପ୍ରୀୟାର କଳସୀ ଭରା ପ୍ରୀତିରେ ।
ଅଭିମାନୀ ଶୀତ ଆସେ
ଅଧା ଓଢଣୀ ଟାଣି
ପଲ୍ଲୀ ଲଳନାର ମନ ନେବ କିଣି,
ସେ ଆସିଛି ନୁଆଁଇ ନୁଆଁଇ
ସଞ୍ଜୁଆ ମଳୟର ଶିହରଣ ସାଥେ
ଗରମ କମ୍ବଳର ନରମ କୋଳରେ
ପ୍ରୀତି ପ୍ରଣୟୀ ପ୍ରେମାଙ୍ଗୀ ବୁକୁ ତଳେ ।
ଅଭିମାନୀ ଶୀତ ଆସେ
ରାଗ ରାଗିଣୀର ଉଚ୍ଛ୍ବାସରେ
କୋଇଲିର ମଧୁର କୁହୁ ତାନରେ
ଆମ୍ବ ବଉଳର ମିଠା ବାସ୍ନାରେ
ଫୁଲରୁ ଫୁଲ ପ୍ରଜାପତିର ମଧୁ ଚୁମ୍ବନରେ
ହଂସ ହଂସରାଳୀର ମଧୁର ମିଳନରେ ।
ଅଭିମାନୀ ଶୀତ ଆସେ
ନୂଆ ବହୁର ଝୋଟି ଚିତାରେ,
ମଗୁଶୀର ମାସ ଗୁରୁବାର
ମାଣବସା ବେଦୀ ଆସ୍ଥାନରେ,
କାର୍ତ୍ତିକ ପୂର୍ଣ୍ଣିମାର ଶଙ୍ଖ ଧ୍ବନୀରେ
ଆ କା ମା ବୈ ସ୍ବର ସମ୍ଭାରରେ ।