ମଞ୍ଜକଥା

କରେ କଲବଲ ଲାଗେ ସଲସଲ

ଗଲଗଲ କବି ନିଶା

ପ୍ରସବ ବେଦନା ଠାରୁ ଭୟଙ୍କର

ବ୍ୟତୀକ୍ରମେ ଲୋକହସା ।

ଖାଇବା ପିଇବା ସବୁ ଭୁଲିଯିବ

ରାତି ହେବ ଉଜାଗର

ଲେଖିବ କାଟିବ ଚିରିବ କାଗଜ

ଦହଗଞ୍ଜ ଝାଳନାଳ ।

ପଶିବନି ଭିନ୍ନ ମୁଣ୍ଡେ ଆର କଥା

ଖାଣ୍ଟି ସତ କଥା ମଞ୍ଜ

ହୋଇବ ଡେରିରେ ତୁମର ସକାଳ

ଦିନ ଗଡି ହେବ ସଞ୍ଜ ।

ଡିଜିଟାଲ ମୁଡ ଆହୁରି ବିପଦ

ଚିପୁଥିବ ମୋବାଇଲ

ହେବ ଏକପଦୀ ଜମିବ ଆସର

ମେସେଜ ହୋଇବ ଫୁଲ ।

ଗଣୁଥିବ ବସି ଲାଇକ ସେୟାର

ସମ୍ବର୍ଦ୍ଧନା ମାନପତ୍ର

ମାଗୁଥିବେ ଚାନ୍ଦା ସାହିତ୍ୟିକ ଵନ୍ଧୁ

ମୁଖପତ୍ର ମାଳମାଳ ।

ଘର ଲୋକଙ୍କ ଠୁ ଖାଉଥିବ କେଞ୍ଚା

କରୁ ନାହଁ କାମଦାମ

ବୋଝର ଉପରେ ନଳିତାର ବିଡା

ଚାନ୍ଦାଭେଦା ଅନୁଦାନ ।

ଲେଖାଲେଖି ସାରି ଛପାଇଲେ ବହି

ଚାଖିବ ଅଧିକା ମଜା

ଗେଞ୍ଜୁଥିବ ନେଇ ଏଇଠି ସେଇଠି

ହୀନିମାନ ବଡ଼ ଲଜ୍ଜା ।

ସାହିତ୍ୟ ନାଆଁରେ ମାତନ୍ତି ଦଲାଲ

କୁହାଳିଆ ଥଣ୍ଡାଠକ

ପଡିଗଲ ଯଦି ଜାଲରେ ଦୁର୍ଯୋଗ

ଶୋଷିନେବେ ସବୁ ରକ୍ତ ।

ମିଠା କଥା କହି ଟେକାଟେକି କରି

ଗଛକୁ ଚଢାଇ ଦେବେ

ଝୁଣି ଚାଲୁଥିବେ ଦେହରୁ ମାଉ°ସ

କାଣ୍ଟିବଗ ମୁଢ ଭଣ୍ଡେ ।

ଛୋଟ କଥା ଯଦି ରଖିବ କହିବି

ଭଲ ସାରସ୍ୱତ କର୍ମ

ଚାଟୁକାରଙ୍କ ଠୁ ରହିଲେ ଦୂରରେ

ମନ ହେବ ନାହିଁ କ୍ଷୁର୍ଣ୍ଣ ।