ମନରେ ତୁମେ ସ୍ୱପ୍ନରେ ତୁମେ

ଭାବନା ରାଜ୍ୟ ମୋ ସଦା ପରିପୂର୍ଣ୍ଣ

କେବେବି ରହିନି ଖାଲି,

ତୁମେ ମୋ ମନରେ ତୁମେ ମୋ ସପ୍ନରେ

ହୃଦୟରେ ଆସ ଚାଲି |

ଆକାଶ ଛାତିରେ ଭସା ବାଦଲ ମୁଁ

ତୁମେ ମୋ ସୁଦୀର୍ଘ ପଥ,

ତୁମ ପ୍ରତୀକ୍ଷାରେ ଆକାଂକ୍ଷିତ ପ୍ରାଣ

କରେ ପଥ ଅତିକ୍ରାନ୍ତ |

ଥକି ନଯାଉ ଏ ବିଦଗ୍ଧ ପରାଣ

ଆଶ୍ରୟ ଟିକିଏ ମାଗେ,

ତୁମ ସ୍ନେହ,ପ୍ରେମ ବଂଚିବାର ରାହା

ନୂଆ ଆଶା ମନେ ଜାଗେ |

ଧରିଥିବ ହସ୍ତ ଶକ୍ତକରି ମୋର

ନହୁଏ ମୁଁ ପଥହରା,

ଆମ ଏ ସମ୍ପର୍କ ସ୍ମରଣୀୟ ରହୁ

ନହେଉ ଏ ଅପାସୋରା |

ଅସଜଡ଼ା ଯେତେ ଭାବନା ଆମର

ପ୍ରେମବାରୀ ବର୍ଷାକରି,

ଉତ୍ଫୁଲୀତ ଏଇ ମନ ପରାଣରେ

ସତେଜତା ଦେବା ଭରି |

ମୋର ମନପ୍ରାଣ ସମର୍ପିତ ପ୍ରିୟା

ତୁମ ସ୍ନେହ,ତ୍ୟାଗ ଆଗେ,

ମୋ ମନେ ସପନେ ପ୍ରେମ ଗୁଂଜରଣ

ତୁମ ପାଇଁ ସଦା ଜାଗେ |