କିସ୍ ଡ଼େ

କେବେଠୁ କହୁଛି ପାନ ଛାଡ଼ ବୋଲି

ଶୁଣିଲନି ମୋର କଥା,

ନାଲି ନାଲି ତୁମ ଦାନ୍ତ ଗୁଡ଼ା ଦେଖି

ଘୁରିଲାଣି ମୋର ମଥା |

ଭାଲେଣ୍ଟାଇନ୍ ର ସପ୍ତାହ ଚାଲିଛି

କେତେ କେତେ ନୂଆ ଡେ,

ବୁଢ଼ାକାଳେ ତୁମ ପ୍ରେମ ଉଛୁଳୁଛି

ମାଗୁଛ କିସ୍ ଟେ ଦେ |

କେମିତି କହିବି ନାଲି ଦାନ୍ତ ଦେଖି

ଉଠୋଉଛି ମୋତେ ବାନ୍ତି,

କିସ୍ କରିବାକୁ ମନ ମୋ ମାନୁନି

ଥିଲେ ପଛେ ଯେତେ ପ୍ରୀତି |

ବଦଳି ଗଲାଣି ପ୍ରେମ ପରିଭାଷା

ପ୍ରେମ ନୁହେଁ ସବୁ ଭ୍ରମ,

ପ୍ରେମ ପାଇଁ ପୁଣି ଗଢ଼ାହୁଏ ଏଠି

ନାନା ପ୍ରକାର ନିୟମ |

ଯୁଗ ସାଥେ ତାଳ ଦେଇ ଚାଲିବାକୁ

ବଳୁନାହିଁ ମନ ମୋର,

ତୁଚ୍ଛାଟାରେ ଏଇ ଡ଼େ ଚକ୍କରରେ

କାହିଁ ପଡ଼ ଧନ ମୋର |

ପୁରୁଣିଆ ପ୍ରେମ ସୁନ୍ଦର ଆମର

ନ ଲାଗୁ କାହା ନଜର,

ସାଥୀ ହୋଇ ଆମେ ରହିବା ଏମିତି

ତୁମେ ମୋର ମୁଁ ତୁମର |