ମଲାଜହ୍ନ (ସନେଟ୍)
ମଲାଜହ୍ନ (ସନେଟ୍)
1 min
258
ଅଗଣା ଆକାଶେ ଦିନେ ସାଜିଥିଲି ଜହ୍ନ,
ଖିଲିଖିଲି ହସ ମୋର କିଣୁଥିଲା ମନ |
ରୂପ,ଗୁଣ ଦେଖି ଥିଲେ ସଭିଏଁ ପ୍ରସନ୍ନ,
କହୁଥିଲେ ବଡ଼ ହେଲେ ରଖିବି ମୁଁ ମାନ |
ଶୁଣି ସବୁ ବୁଣିଦେଲି ଆଖିରେ ସପନ,
ପୂରା କରିବାକୁ ବସି ଗଣୁଥିଲି ଦିନ |
ଅକସ୍ମାତ ବଇରୀ ଯେ ସାଜିଲା ଯୌବନ,
ପାଦରେ ପଡ଼ିଲା ବେଡ଼ି ଭାଙ୍ଗିଗଲା ମନ |
ପୂରଣ ହେଲାନି ଅଧା ରହିଗଲା ସ୍ୱପ୍ନ,
ଆଲୋକ ଦେବା ପୂର୍ବରୁ ହଜିଲା କିରଣ |
ଭାବି ମୁଁ ନ ଥିଲି ହେବି ପରଦେଶୀ ଜହ୍ନ,
ଜୀଇଁବା ଆଗରୁ ପୁଣି ହାରିବି ଜୀବନ |
ଗୁମୁରି କାନ୍ଦୁଛି ଆଜି ମୋ ହୃଦୟ,ମନ
ଜୀବନାକାଶେ ସାଜିଛି ଆଜି ମଲାଜହ୍ନ |