ଅକୁହା କଥା

ମନ ଭିତରେ ମୁଁ ସାଇତି ରଖିଛି

ଗୁଡ଼ିଏ ଅକୁହା କଥା,

ବ୍ୟକ୍ତ କରିବାକୁ ଶବ୍ଦ ପାଉନାହିଁ

ବଢ଼ୁଛି ହୃଦୟେ ବ୍ୟଥା ।

କେମିତି କହିବି ତୁମକୁ ଗୋ ପ୍ରିୟେ

ମନରେ ମୋହର ସାହସ ନାହିଁ, 

କହିଦେଲେ କାଳେ ଛାଡ଼ି ଚାଲିଯିବ

ଖୋଜିଲେ ତୁମକୁ ପାଇବି ନାହଁ ।

ହଜିଯିବ ଆମ ବନ୍ଧୁତା ର ଚିହ୍ନ 

ପ୍ରେମ ର ପ୍ରଥମ ପରଶ ପାଇ,

ଛାତି ର ଦରଦ ଲୁହ ଧାର ହୋଇ

ଅବିରତେ ଯିବ ନୟନୁ ବହି ।

ଦେଖିଛି ଯେବେଠୁ ତୁମ ରୂପ କାନ୍ତି

ହସ ହସ ମୁଖ, ଆଖି ର ଚାହାଁଣି

ମନ ଭିତରେ ମୋ ଜାଗିଛି ଲାଳସା

ପାଇବାକୁ ତୁମ ପ୍ରୀତି ରାଗିଣୀ ।

ଅନୁଭବିଛି ମୁଁ ତୁମରି ଆଖିରେ

ସାଇତିଛ କେତେ ମୋ ପାଇଁ ପ୍ରେମ,

ତୁମ ନିରବତା ସହିପାରୁନାହିଁ

କହିଦିଅ ନୁହେଁ ଏ ମୋର ଭ୍ରମ ।