ସ୍ମାର୍ଟ ଫୋନ୍
ସ୍ମାର୍ଟ ଫୋନ୍
1 min
188
(ଜେଜେମା')
ହଇଓ! ଶୁଣୁଛ ଇସ୍କୁଲୁକୁ ଛୁଆ
ପଢ଼ିବାକୁ ଯିବେ ନାହିଁ,
କଅଣ ଗୋଟାଏ ଯନ୍ତରଟେ ଧରି
ପଢ଼ିବେ ତାକୁଇ ଚାହିଁ |
ନାତି ଟୋକା ଆମ ହାତରେ ଧରିକି
ଟିପିଟାପେ ଦିଏ ମାରି,
ନାଚ,ଗୀତ,ଫଟ ଆଖି ପିଛୁଳାକେ
ଆସେ ସେଥିରୁ ବାହାରି |
(ଜେଜେ ବାପା)
ଯନ୍ତର ନୁହେଁ ଲୋ ବିଶୁଆ ମା'
ସ୍ମାର୍ଟଫୋନ୍ ତା'ର ନାଁ,
ତାକୁଇ ଭରସି ପଢ଼ୁଛନ୍ତି ପାଠ
ସହର ହେଉ କି ଗାଁ |
ସବୁ କିଛି ଅଛି ତା' ଭିତରେ ପରା
ଏ ଯୁଗ ର ସେ ଓସ୍ତାଦ,
ଠିକ୍ କାମେ ନ ଲଗେଇଲେ ତାକୁ
କରିଦେବ ବରବାଦ |