ଆମେ କରୁଅଛୁ ଆମ ଶାସନ
ଆମେ କରୁଅଛୁ ଆମ ଶାସନ
ଆମପାଶେ ଅଛି ବନ୍ଧୁକ, କମାଣ
ବାରୁଦ ତୋପର ଗୁଳି,
ଆମେ କରୁଅଛୁ ଆମର ଶାସନ
ଅହିଂସାର ରଙ୍ଗ ବୋଳି |
ସତ୍ୟପଥ ଆମେ ବାଛି ନେଇଅଛୁ
ଦେଶର ସୁରକ୍ଷା ପାଇଁ,
ଶତ୍ରୁ ପାଖେ କେବେ ନଇଁବନି ମଥା
ଶପଥ ଆମର ଏହି |
ଶାନ୍ତି, ମୈତ୍ରୀ, ପ୍ରୀତି ଶୀରା ପ୍ରଶିରାରେ
ରକ୍ତ ହୋଇ ଯାଏ ବହି,
ଅମାନବିକତା ଜାତକରେ ନାହିଁ
ବୀରତା ଗାରିମା ଏହି |
ମାଟିମାଆ ପାଣି ପବନରେ ଯୋଡ଼ା
ସ୍ୱଳ୍ପ ଆୟୁଷ ଆମର,
ମାଆ ପାଇଁ ପ୍ରାଣ ନ୍ୟୋଚ୍ଛାବର ଆମ
ମନରେ ନରଖୁ ଡର |
ଶେଷ ପ୍ରାଣବିନ୍ଦୁ ଥିବାଯାଏ ସିନା
ଲଢ଼ି ହେବୁ କର୍ମବୀର,
ତୋପର ଗୁଳିକୁ ଛାତିରେ ସହିବୁ
ମାନିବୁନି କେବେ ହାର |