ସେବା
ସେବା
ନଶ୍ୱର ଶରୀର ନୁଁହେତ ନିଜର
କି ଉପମା ତାରେ ଦେବା,
କର୍ମମୟ ଏଇ ଜୀବନ ପଥରେ
ସର୍ବୋତ୍କୃଷ୍ଟ ଅଟେ ସେବା |
ଭୋକିଲାକୁ ଦାନା,ନିରାଶ୍ରୟେ ଆଶ୍ରା
ଶୋଷିଲାକୁ ଜଳଦାନ,
ନିରୀହକୁ ଟିକେ ସେବା ଯୋଗାଇଲେ
ଖୁସି ହେବେ ଭଗବାନ |
ନିଜପାଇଁ ନୁହେଁ ଆନପାଇଁ ଆମ
ଜୀବନ ହେଉ ଉତ୍ସର୍ଗ,
ମାନବ ସେବାହିଁ ମାଧବର ସେବା
ଏହା ସତ୍ୟ ଅନୁଭବ |
ଵିନ୍ଦୁରୁ ବିସର୍ଗ ସକଳ ଦେହରେ
ଈଶ୍ୱରଙ୍କ ଅଟେ ବାସ,
ମାନବ ଜୀବନ ଅଟଇ ମହାନ
ମୋକ୍ଷ ପ୍ରାପ୍ତିର ଉଦେଶ୍ୟ |
ମାନବ ସେବାଠୁ ମହାନତା ନାହିଁ
କରୁଥିଲେ ତୁମେ ଜାଣ,
ପ୍ରଭୁ ପାଦତଳେ ସ୍ଥାନଟି ମିଳିବ
ସାହାହେବେ ନାରାୟଣ |