ରୌଦ୍ରତାପେ ଉତ୍ତପ୍ତ ଧରିତ୍ରୀ
ରୌଦ୍ରତାପେ ଉତ୍ତପ୍ତ ଧରିତ୍ରୀ
ବୁଝିବି ଅବୁଝା ଏ ମଣିଷ ଜାତି
ଅନର୍ଥ ଦେଉଛି କରି,
ଗଛ କାଟିଦେଇ ପଦା କରୁଅଛି
ବିପଦ ଆଣେ ଆବୋରି |
ନିଜ ସ୍ୱାର୍ଥପାଇଁ ଜଙ୍ଗଲର ନଷ୍ଟ
କଳ କାରଖାନା ଗଢ଼ି,
ନିଜ ଗୋଡ଼େ ନିଜେ କୁରାଢ଼ୀ ମାରୁଛି
ତ୍ରାହିମାମ୍ ରଡ଼ିଛାଡି |
ଗଛଟିଏ କେବେ ଲଗାଇଛ କୁହ
କାଟି କରିଦିଅ ପଦା,
ବରଷା ହେଉନି ମଳୟ ବହୁନି
ଭୂମିବି ହେଉନି ଓଦା |
ଟାଇଁଟାଇଁ ଖରା ଅସ୍ତବ୍ୟସ୍ତ କରେ
ଶୁଖିଯାଏ ନଦୀନାଳ,
ରୌଦ୍ରତାପେ ଆଜି ଉତ୍ତପ୍ତ ଧରିତ୍ରୀ
ଗମଗମ ବହେ ଝାଳ |
ପିଚୁ,କଂକ୍ରିଟ୍ ର ଚାଦର ବିଛେଇ
କଳ କାରଖାନା ଗଢ଼ି,
ସୁଉଚ ପ୍ରାସାଦ ଅଟ୍ଟାଳିକା ମାନ
ପ୍ରାଣ ନେଉଅଛି କାଢ଼ି |
ତପ୍ତ ତାୱା ପରି ତାତୁଛି ଧରଣୀ
ମାଟି ତାତି ଯାଏ ଫାଟି,
ପାଣି ମୁନ୍ଦେ ପାଇଁ ଡହଳବିକଳ
ଶୋଷରେ ଶୁଖୁଛି ତଣ୍ଟି |
ସଚେତନ ହୁଅ ମାନବ ସମାଜ
କର୍ତ୍ତବ୍ୟ ଯାଅନି ଭୁଲି,
ଅଘଟଣ କିଛି ଘଟିବା ଆଗରୁ
ଜିଇଁ ନିଅ ମନଖୋଲି |