ପ୍ରତିଶ୍ରୁତି ପ୍ରତି ଧ୍ୟାନ ଦେବ

ପ୍ରତୀକ୍ଷା ତୁମ ପ୍ରତିଶ୍ରୁତିର

ସୁଚାରୁରୂପେ ସମ୍ପାଦନକୁ

ପ୍ରତୀକ୍ଷିତ ବର୍ଷେ ପ୍ରାୟ

ଯୋଜନାର କାର୍ଯ୍ୟକ୍ଷମକୁ ।

ଅତୀତ କି ଏତେ କ୍ଲାନ୍ତ

ସୁପ୍ତ ତାର ଅବସ୍ଥିତି

ଭବିଷ୍ୟତ ଥିଲା ଯଦି ଭରସା ବାହାରେ

ରଚିଲ କିଆଁ ଏହି କୀର୍ତ୍ତି ।

ଧ୍ୟାନ ଦିଅ

କାଳେ ସେ ପ୍ରତିଶ୍ରୁତି ଆଉ

କାଳର କରାଳ ଚକ୍ରବ୍ୟୁହରେ

ଛନ୍ଦି ହେଇ ନଯାଉ ।

ମୁଁ ତ କହୁଥିବି

ନା ତୁମେ ଶୁଣୁଛ

ତୁମେ ନ ଶୁଣୁଥାଇପାର

ତଥାପି ମୁଁ କହୁଥିବି

ତୁମର ସେ ପ୍ରତିଶ୍ରୁତି ପ୍ରତି ଧ୍ୟାନଦେବ

ହଁ ଟିକେ ଧ୍ୟାନଦେବ ।