ଅସଜଡ଼ା ସ୍ୱପ୍ନ
ଅସଜଡ଼ା ସ୍ୱପ୍ନ
ଅପ୍ରସ୍ତୁତ ମୁଁ ଏ ସ୍ୱପ୍ନକୁ ସାକାର କରିବା ପାଇଁ
ସାକାର ବା ହବ କେମିତି
ତୁମ ପଛଘୁଞ୍ଚା ତ ମତେ ବ୍ୟଥିତ କରିଛି
ମନେ ତ ଆଶା ଆଶଙ୍କା ହିଁ ଭର୍ତ୍ତି ।
ସ୍ମୃତି ରୂପକ କନା ଖଣ୍ଡିକକୁ ରଖିଛି ସାଇତି
କର୍ପୁର ହେଇ ତ ତମେ ଉଡିଯାଇଛ
ସ୍ମୃତିକୁ ସାଇତି ରଖି କେତେ ବା ଧାଇଁବି
ପରିଶେଷେ ଦେଖା ହେଲେ
କହିବନି ତ କେତ ପାଇଛ ।
ତୁମ ସହ ସ୍ୱପ୍ନ ଦେଖିଥିଲି
ସ୍ୱପ୍ନ ବି ସମ୍ପୂର୍ଣ୍ଣ ମୋର ନଥିଲା
ସାକାରରେ ତ ତୁ ହସ୍ତକ୍ଷେପ ଲୋଡ଼ା
ନହେଲେ ଜାଣିରଖ ପ୍ରାଣସହି
ସ୍ଵପ୍ନ ତ ହେବ ହିଁ ହେବ ହାତଛଡା ।
ତୁମେ ମୁଁ ପରିପୁରକ
ତୁମ ବିନା ମୁଁ ନିରର୍ଥକ
ହାତରେ ହାତ ମିଶିଲେ ହିଁ ତ
ହାତେଇବା ଆମ ସ୍ୱପ୍ନ ସନ୍ତକ ।
ଛାଡ଼ ସେ କଥା..
ଏଇ ବୋଧେ ମୋ ଭାବ ପ୍ରବଣତା
ଏ ସ୍ୱପ୍ନ ତ ସ୍ୱପ୍ନ ହେଇ ରହିଯିବ
ଆଉ ସମୟ କହିବ
ଇଏ ତୁମର ନା ମୋର ଅପାରଙ୍ଗମତା ।