ବ୍ୟାକୁଳ ମାଆର ପ୍ରାଣ

ବାହୁନି ବାହୁନି ଖୋଜିବୁଲେ ମାଆ

ସେଇ ବଣ କନ୍ଦି ବାସ

ଯେଉଁଠି ପିଲାଏ ଖେଳି ବୁଲୁଥିଲେ

ଶୁଭୁଥିଲା ତାଙ୍କ ହସ।......୧

ନ ମିଳଇ ତାଙ୍କ ଆଭାସ କି ପାଇଁ

ବ୍ୟାକୁଳ ମାଆର ପ୍ରାଣ

ପୃଥିବୀ ଗିଳିଲା ନଭ ଚୋରାଇଲା

କେଣେ ମୋ ସନ୍ତାନଗଣ ?.......୨

ଶ୍ରବଇ ବକ୍ଷରୁ ଦୁଗ୍ଧ ଧାରା ତା'ର

ସଞିବନି ପିଲା ପାଇଁ

ଅଣ୍ଡାଳି ଅଣ୍ଡାଳି ବାତୁଳା ହେଲାଣି

ପିଲାଙ୍କର ଦେଖା ନାହିଁ।......୩

କେଉଁ ପୂର୍ବ ଜନ୍ମ ପାପ ଫଳ ଅବା

କାହା ଅଭିଶାପ ଥିଲା

ଏକା ସାଥେ ସବୁ ସନ୍ତାନ ଗଣଙ୍କୁ

ଛଡାଇ ତା'ଠାରୁ ନେଲା।......୪

ମାତୃତ୍ଵର ସୁଖ ଅମୃତ ଠୁ ବଳି

ପାଇ ହରାଇଲା ଆହା

ଏତେ ବଡ଼ ଦୁଃଖ କେମିତି ସହିବ

 କର ବାରେ ପ୍ରଭୁ ଦୟା?......୫

ନଦେଲେ ନଦିଅ ସନ୍ତାନର ସୁଖ

ଦେଇ ଛଡାଇ ନ ନିଅ

ମାଆର ଦୁଃଖରେ ସାହା ହୁଅ ପ୍ରଭୁ

ପ୍ରସମିତ ହେଉ କୋହ।.......୬

ତା'କାନ୍ଦଣା ଶୁଣି ବିଚଳିତ ହୁଏ

ମା'ର ହୃଦୟ ମୋର

ହେଲେ ନିରୂପାୟ ମାନବୀ ମୁଁ ଯେଣୁ

ଗୁହାରି ଶୁଣ ମୋହର।......୭