ପ୍ରତିକ୍ଷିତ ପ୍ରାଣ
ପ୍ରତିକ୍ଷିତ ପ୍ରାଣ
ଦୂର ଦିଗନ୍ତରେ ଅସ୍ତ ଦିନପତି
ସଞ୍ଜ ଆସେ ନଇଁନଇଁ,
ପ୍ରତିକ୍ଷିତ ପ୍ରାଣ ହେଉଛି ଆହତ
ଅପେକ୍ଷାର ଅନ୍ତ ନାହିଁ |
କଳା ବଉଦରେ ଆକାଶ ଢାଙ୍କିଛି
ତୁହାତୁହା ବର୍ଷା ଝରେ,
ବିଜୁଳି ଚମକେ ଘଡଘଡ଼ି ଡାକେ
ଆତଙ୍କରେ ପ୍ରାଣ ଭରେ |
ମନ ଉପବନେ ମଉଳା ଫୁଲ ମୁଁ
ପ୍ରିୟ ପଥ ଚାହିଁ ବସି,
ସତେଜତା ଥିଲା କେବେ ଝଡ଼ିଗଲା
ହୋଇଗଲି କେବେ ବାସି |
ଆସିବାକୁ କଥା ଦେଇଥିଲ ସାଥି
ଭୁଲିଗଲ ଅବା ପଥ,
ଆମ ମଧ୍ୟେ ଯେଉଁ ବାଦ ପ୍ରତିବାଦ
କେବେଠୁ ହୋଇଛି ଗତ |
କେଉଁ କଥା ପାଇଁ ଅଭିମାନ କର
ମନେ ଏତେ ରୋଷଭରି,
ପୁରୁଣା ସ୍ମୁତିର ଅନ୍ତରାଳେ ଦେଖ
ଡାକୁଛି ମୁଁ ହାତଠାରି |
ଫେରିଆସ ସାଥି ମନେଭରି ପ୍ରୀତି
ଫଗୁଣର ରଙ୍ଗ ନେଇ,
ଖିଆଲି ମନକୁ ରଙ୍ଗାୟିତ କର
ପ୍ରେମର ପରସ ଦେଇ |