ଟଙ୍କା କେତେ ମୂଲ୍ୟବାନ
ଟଙ୍କା କେତେ ମୂଲ୍ୟବାନ
ଟଙ୍କା ନୁହେଁ ଏଠି ଭୁତ,ଭବିଷ୍ୟତ
ଟଙ୍କା ଅଟେ ବର୍ତ୍ତମାନ,
ଯାହା ପାଖେ ନାହିଁ ଧନର ଭୂଷଣ
ସିଏ ଅଟେ ମୂଲ୍ୟହୀନ ।
ନଥାଉ କାପାଖେ ଜ୍ଞାନର ଗାରିମା
ଅଜ୍ଞାନୀରେ ହେଉ ଗଣା,
ଟଙ୍କା ପାଖେ ଥିଲେ ମିଳେ ସନମାନ
ସମ୍ପର୍କ ନଥାଏ ଉଣା ।
ଟଙ୍କା ନାହିଁ ଯଦି ଉଚ୍ଚଶିକ୍ଷା ପାଇଁ
ବୁଲିବ ହୋଇ ବେକାର,
ଲାଞ୍ଚଦେବା ପାଇଁ ଟଙ୍କା ଯଦି ଅଛି
ମୂର୍ଖ ହେଲେବି ସ୍ୱୀକାର ।
ଯାହା ପାଖେ ଧନ ପାଏ ସନମାନ
ଜ୍ଞାନୀ ହୁଏ ହୀନିମାନ,
ଅଭଦ୍ର ହୁଅକି କୁସଂସ୍କାରି ହୁଅ
ଟଙ୍କା ଥିଲେ ବଢ଼େ ମାନ ।
ଯେତେବଡ଼ ଅପରାଧ କରିଥାଅ
ଧର୍ମଦାଣ୍ଡେ ହୋଇ ଦୋଷୀ,
ଟଙ୍କା ପାଖେ ଥିଲେ ସବୁ୍ଦୋଷ କ୍ଷମା
ନିର୍ଦୋଷୀ ପାଇବ ଫାସୀ ।
ଟଙ୍କା ପାଖେ ଥିଲେ ସମ୍ପର୍କ ମଧୁର
ଥାଉଯେ ଦୋଷ ହଜାର,
ଲୋକ ଦେଖାଣିଆ ପ୍ରଶଂସା ସାଉଁଟି
ଶତ୍ରୁକୁ କରେ ନିଜର ।
ଯେସନେ ପିମ୍ପୁଡ଼ି ଗୁଡ଼ ମାଠିଆର
ସମ୍ପର୍କରେ ଜଡ଼ସଡ଼,
ଟଙ୍କା ଯାହାପାଖେ ସଭିଏଁ ତାପାଖେ
ଯେସନେ ଶାଗୁଣା-ମଢ଼ ।
ଘୋର କଳିକାଳେ ସବୁକିଛି ଭୁଲି
ସର୍ବେ ଟଙ୍କାର ଅଧୀନ,
ଟଙ୍କା ପାଇଁ ଏଠି ନିଜ ଲୋକ ପର
ଟଙ୍କା କେତେ ମୂଲ୍ୟବାନ ।