କାଠଘୋଡା
କାଠଘୋଡା
1 min
13.5K
କାଠଘୋଡ଼ା
-------°-------
ବାପା ଗୋଟେ କାଠ ଘୋଡା
ଜୀବନର ଅନ୍ତ ଯାଏଁ ।
ସେ ଘୋଡାର ଆଖି ନୀଳ,
ଅନନ୍ତ ସାଗର ପରି ।
ତାର ଭାବ ସୁଦୂରପ୍ରସାରୀ
ଆକାଶରେ ସାଗରର ଛବି ପରି ।
ସେ ଆଖି, ଆଖି ନୁହେଁ ସ୍ୱପ୍ନର ଭଣ୍ଡାର,
ସେ ସ୍ୱପ୍ନ, ସ୍ୱପ୍ନ ନୁହେଁ କାମନା ଅପାର ।
ପ୍ରତିଦିନ ସ୍ୱପ୍ନ ଦେଖି ସବାର୍ କୁ ନେଇ,
କେବେ ବି ପାରେନା
ତାକୁ ପାଖରୁ ଦୂରେଇ ।
ଏମିତି ସମୟ ଆସେ,
ଝରି ଯାଏ ସବୁ ରଙ୍ଗ ସେ ଘୋଡାର
ଦେହକୁ ସମୟ କୀଟ ଖୋଳ କରେ
ଭ୍ରମିତ ସବାର୍ ତାକୁ ପିଙ୍ଗି ଦିଏ
ଅଳିଆ ଗଦାକୁ ।
ହେଲେ କ୍ଷତାକ୍ତ ଘୋଡାଟା
କେବେ ଭୁଲେ ନାହିଁ
ସବାର୍ ଜଣକୁ...।