ମନର କଷ୍ଟ
ମନର କଷ୍ଟ
କାହିଁକି କେଜାଣି
ବେଳେବେଳେ ଭଲ ଲାଗେନି ଜମା
ଅରୁଚି ଲାଗେ ସବୁ ମୁହୂର୍ତ୍ତ ଗୁଡାକ
ଉଡସିଆ ପଣ ଖାଁ ଖାଁ ଭାବ
ଗୋଡାଉଥାଏ ଗୋଟା ପୁଣି ମନ
ଚୁପ୍ ଚାପ ଦେଖୁଥାଏ
ସ୍ମୃତିର ଆଇନାରେ ନିଜକୁ
ବିତିଥିବା ଆମ ସ୍ମୃତି ସବୁ
ଅମ୍ଳଜାନ ପରି
ମୋ ଶିରା ପ୍ରଶିରାରେ
ପ୍ରବାହିତ ହୁଏ ।।
ସ୍ମୃତିର ଆଇନାରେ
ଅନ୍ତର ଚେତନା ପ୍ରତିବିମ୍ବରେ
ବାରମ୍ବାର ମୁଁ ପଚାରୁଥାଏ
ମୁଁ ତୁମର କିଏ............?
କାହିଁକି ତୁମକୁ ନେଇ
ମୋର ଏ ଅଜବ ଭାବନା !!
ତୁମକୁ ମୁଁ ଖୋଜେ
ନିଶବ୍ଦ ପ୍ରହରରେ ଉଦାସ ମନରେ
ତୁମ ସ୍ମୃତି ଛାତିତଳେ କୁହୁଳେ
ଆଜି ବି ସାଇତି ରଖିଛି ତୁମର ସବୁ ସ୍ମୃତିକୁ
ତୁମକୁ ପାଇବା ପାଇଁ ଟିକେ ପାଖରେ ।।
ଜାଣିଛି ତୁମେ କେବେ ବି ମୋର ନଥିଲ
ତୁମକୁ ପାଖରେ ପାଇବା ଆଶାରେ
ଭାବେ ମୁଁ ସବୁ ମୁହୂର୍ତ୍ତରେ ତୁମ କଥା
ମୋର ଏ ଉଦାସ ମନ କେବେ ମତେ
ହସାଏ ପୁଣି କେବେ ଲୁହରେ ଭିଜାଏ
ସୁଖ ଓ ଦୁଃଖ ଦୁଇ ମଝିରେ
ଅଟକି ଯାଏ ମୋ ଉଦାସ ମନ
ଭାବୁଥାଏ ନୂତନ କୌଶଳ
କେମିତି ପ୍ରତିହତ କରିବ
ନିଜର ସୁରକ୍ଷା ବଳୟ ।।