ଜୀବନ
ଜୀବନ
ଜୀବନ ,
କେବେ ଅଙ୍କାବଙ୍କା ପଥ , କେବେ ପୁଣି ଖରାଛାଇ
କେବେ ଏନ୍ତୁଡ଼ିର ନିଆଁ , କେବେ ଶ୍ମଶାନର ଯୁଇ ।
ଜୀବନ ,
କେବେ ଦୁଃଖର ପାହାଡ , କେବେ ସୁନ୍ଦର ମଳୟ ପବନ
କେବେ ଆଲରା ବୁଢିଆଣୀ ଜାଲ , କେବେ ଚିରୁଡ଼ାଏ ସପନ ।
ଜୀବନ ,
କେବେ ସାରୁ ପତରର ପାଣିଫୋଟକା କେବେ ଫୁଲର ବାଟିକା
କେବେ ଅନ୍ଧକାର ଆଲୋକିତ ଦିଶା କେବେ ଲିଭିଯାଇଥିବା ଶିଖା ।
ଜୀବନ ,
କେବେ ଛନ୍ଦହୀନ ବୁମୁକ୍ତ ପବନ ,କେବେ ସଂଘର୍ଷର ପଶାଖେଳ
କେବେ ସଦ୍ୟ ପ୍ରସ୍ଫୁଟିତ ଗୋଲପଟିଏ କେବେ ପଦ୍ମ ପତ୍ରର ଜଳ।
ଜୀବନ ,
କେବେ କଣ୍ଟକିତ ପଥ , କେବେ ପୁଣି କୁସୁମିତ
କେବେ ମାୟା ମରୀଚିକା , କେବେ ଧୂଳି ଧୂସରିତ ।
ଜୀବନ ,
କେବେ ଅଛିଣ୍ଡା ଅଙ୍କର ସୂତ୍ର , କେବେ ତରଳ ଜଳର ବିନ୍ଦୁ
କେବେ ମରୁଭୂମି ତାତି , କେବେ ପ୍ରେମର ଅଥଳ ସିନ୍ଧୁ ।
ଜୀବନ ,
କେବେ ଆଶାର ସଳିତା , କେବେ ନିରାଶା ପବନ
କେବେ ଘାତ ପ୍ରତିଘାତ ,କେବେ ଜୀମୂତେ ଜୀରକ ଜଳନ ।
ଜୀବନ ,
କେବେ ଅଗଣିତ ଶୂନ୍ୟତା , କେବେ ବୈଶାଖର ଝାଞ୍ଜି ଖରା
କେବେ ସୁଖ ଦୁଖର ରଙ୍ଗମଞ୍ଚ , କେବେ ଶ୍ରାବଣର ବାରିଧାରା ।
ଜୀବନ ,
କେବେ ପଳପଳ ଦୁଃଖ , କେବେ ଦି ମିଠା ପାଉଁଶ
କେବେ ନୟନର ଅଶ୍ରୁ , କେବେ ଶୁଖିଲା ଅଧରେ ହସ ।