Library
Profile
ବିବାହ
ବିବାହ
ବିବାହ ଅଟଇ ସ୍ମୃତି ର ପ୍ରତୀକ
ପ୍ରେମ ର ସୌହାର୍ଦ୍ଦ୍ୟ ପର୍ବ,
ଦାମ୍ପତ୍ୟ ପ୍ରକୃତି ଅରଜଇ ଖ୍ୟାତି
ନିଆରା ଏ ଅନୁଭବ l
ବିବାହ ଅଟଇ ପବିତ୍ର ବନ୍ଧନ
ପ୍ରେମ ସମର୍ପଣ ବ୍ରତ,
ସ୍ନେହ ମମତା ର ପଣତ କାନିରେ
ବନ୍ଧନେ ସଦା ପ୍ରସ୍ତୁତ l
ଦୁଇଟି ମନର ଅଟଇ ବିବାହ
ଶାଶ୍ୱତ ପ୍ରେମ ବନ୍ଧନ,
ମାତା ପିତା ଗୁରୁଜନେ ଆଶୀର୍ବାଦେ
ବିବାହ ଜୀବନ ଧନ୍ୟ l
ମାନବ ସଭ୍ୟତା କାହିଁ କେଉଁ କାଳୁ
ବିବାହେ ସମ୍ପର୍କେ ବନ୍ଧା,
ପୁଅ ପାଇଁ ଝିଅ ,ଝିଅ ପାଇଁ ପୁଅ
ସମାଜ ର ସୁବ୍ୟବସ୍ଥା l
ପୁଅ ଏକୋଇଶି ଝିଅକୁ ଅଠର
ବୟସ ବିବାହ ଯୋଗ୍ୟ,
ବୟସେ ବିବାହ ତା' ଠାରୁ କମ୍
ଦଣ୍ଡ ବିଧାନ ଅବଶ୍ୟ l
ସମ୍ପର୍କ ର ସେତୁ ଦୁଇ ପରିବାର
ବିବାହ ପାଇଁ କି ପଡ଼େ,
ବିପଦ ଆପଦେ ସେଇ ସେତୁ ପରେ
ସାହା ଜଣେ ଅପର ରେ l
ବହନ କ
୍ଷମତା ପୁଅଟିଏ ଯେବେ
ଜୀବନେ ହାସଲ କରେ,
ବିବାହ ପାଇଁ କି ପିତାମାତା ତା'ର
ବ୍ୟସ୍ତ କନ୍ୟା ଖୋଜିବାରେ l
ଖୁସିରେ ବିତଇ ବିବାହ ଜୀବନ
ବିଶ୍ୱାସ ହୋଇଲେ ଦୃଢ଼,
ବିବାହ ଜୀବନ ସେହି ବିଶ୍ୱାସ ରେ
ସୁଖ ଶାନ୍ତିରେ ସମୃଦ୍ଧ l
ସୁଖ ବାଣ୍ଟୁଥିବା ଦୁଃଖ ବୁଝୁଥିବା
ସାଥୀଟିଏ ଚାହେଁ ମନ,
ଆମ ସମାଜରେ ସେଥିପାଇଁ ବୋଧେ
ବିବାହ ର ଆୟୋଜନ l
ବିବାହ ଅଟଇ ମନର ମିଳନ
ସମ୍ପର୍କ ସେ ହୃଦୟର,
ପତି ପତ୍ନୀ ଦୁହେଁ ସାତ ଜନ୍ମ ପାଇଁ
ହୋଇଥାନ୍ତି ଆପଣାର l
ପତିଙ୍କ ପାଖରେ ସବୁ କିଛି ଛାଡ଼ି
ପତ୍ନୀ ହୁଏ ସମର୍ପିତ,
ହାତେ ଶଙ୍ଖା ପିନ୍ଧି ସିନ୍ଥି ରେ ସିନ୍ଦୁର
ପାଳେ ସିଏ ପତିବ୍ରତା l
ପରିପୂର୍ଣ୍ଣ ହୁଏ ବିବାହ ବନ୍ଧନ
ଆଶା ଯେତେ ମନୁଷ୍ୟ ର,
ଗୁନ୍ଥି ହୋଇସାରି ସମ୍ପର୍କ ଡୋରିରେ
ଖୁସି ହୁଏ ପରିବାର l
