ମୋ ଦେଶ

ସୁନାର ମୋ ଦେଶ ଏ ଭାରତ ବର୍ଷ

ଭରେ ସବୁ ଜୀବନେ ଆନନ୍ଦ ହର୍ଷ l

ଏ ମାଟି ପବନେ ଜନମିଛି ମୁହିଁ

ଏହି ମୋ ପବିତ୍ର ଯେ ଭାରତ ଭୂଇଁ l

ସୁନାର ଫସଲ ଏ ମାଟିରେ ହୁଏ

ଧର୍ମ ଧ୍ବଜା ଏଠି ନିତି ଉଡୁଥାଏ l

ସବୁ ତୀର୍ଥକ୍ଷେତ୍ର ଏଠି ରହିଅଛି

କେତେ ପୂଣ୍ୟ ନଦୀ ବହି ଯାଉଅଛି l

ହିମାଳୟ ଯା' ମୁକୁଟେ ଶୋଭାପାଏ

ସାଗର ନିତି ଯା' ଚରଣକୁ ଧୂଏ l

ବୀର ଯବାନ ଯା' ପ୍ରହରୀ ହୁଅନ୍ତି

ଜୀବନକୁ ବାଜି ଦେଶକୁ ଲଢ଼ନ୍ତି l

ମୋ ଦେଶର ମାଟି ଚନ୍ଦନ ସୁବାସ

ବିତରୀ କରୁଛି ଜନମନ ବଶ l

ଜଳଧାରା ଯା'ର ଅମୃତ ବାଣ୍ଟୁଛି

ସମୀରଣେ ଚିର ମଳୟ ବହୁଛି l

ଜାତି ଧର୍ମ ଭେଦ ନାହିଁ ମୋ ଦେଶରେ

ଏକତା ରଜ୍ଜୁରେ ବନ୍ଧା ସଭିଏଁରେ l

ଅନେକ ଫୁଲର ମାଳ ଯେ ସଭିଏଁ

ମୋ ଦେଶ ଭାରତ ସତେ ମାଆଟିଏ l

ତ୍ରିରଙ୍ଗl ପତାକା ଦେଶେ ଉଡୁଅଛି

ଶାନ୍ତି, ମୈତ୍ରୀ ପ୍ରଗତି କଥା କହୁଛି  l

ମୋ ଭାଷା ସଂସ୍କୃତି ମୁଁ ଗର୍ବ କରୁଛି

ମୋ ଦେଶ ପାଇଁ ମୁଁ ସମର୍ପିତ ଅଛି l

ଜାତି ଧର୍ମ ଭେଦ ନାହିଁ ମୋ ଦେଶରେ

ଏକତା ରଜ୍ଜୁରେ ବନ୍ଧା ସଭିଏଁରେ  l