ସ୍ୱାଧୀନତା

ଭାରତମୁକ୍ତ ଆମ ଦେଶ ସ୍ୱାଧୀନ

ଗାଏ ଭାରତର ଜୟ 

ସତ୍ୟ ଓ ଅହିଂସା ଅସ୍ତ୍ର ଆଣିଦିଏ

ଭାରତ ଦେଶ ବିଜୟ l

ଲହରିତ ପଡ଼େ ତ୍ରିରଙ୍ଗା ପତାକା

ନୀଳ ଆକାଶ ଛାତିରେ 

ଜାତୀୟ ସଙ୍ଗୀତେ ସ୍ୱାଧୀନତା ମାନ

ଭେଦଭାବ ହିଁ ଭୁଲିରେ l

ଦେଶପ୍ରେମ ଭାବ ଜାଗ୍ରତେ ଚେଇଁଲେ

ମୋ ପ୍ରିୟ ଭାରତବାସୀ 

ସ୍ୱାଧୀନତା ଦିବସେ ଝୁମନ୍ତି ସେମାନେ

ହୃଦେ ହୃଦେ ଧରି ଖୁସି l

ମଥାନତେ ଦୁଷ୍ଟ ଗୋରା ସରକାର

ଆମ ଦେଶ ହିଁ ସ୍ୱାଧୀନ 

ଜାତି ଧର୍ମ ବର୍ଣ୍ଣ ନିର୍ବିଶେଷେ ଆଜି

ଭାରତେ ଐକ୍ୟ ମହାନ l

ଛାଡ଼ିଗଲେ ଦେଶକୁ ଇଂରେଜ ଜାତି 

ହୋଇ ପରା ଭୟଭୀତ 

ସ୍ୱାଧୀନତା ସଂଗ୍ରାମ ଜୟ ଜୟ ଧ୍ୱନି

ସ୍ୱାଧୀନ ଦିବସ ନେତ ଜାତି l 

ଚିର ଶାଶ୍ୱତ ହିଁ ସବୁଜ ସୁନ୍ଦର

ଆମ ଏ ଭାରତ ଭୂଇଁ 

ଭିନ୍ନତା ଏଇଠି ଛିନ୍ନ ହୋଇଅଛି

ଆମ ସ୍ୱାଧୀନତା ପାଇଁ l

ଗାନ୍ଧୀ ଜବାହର ନେତାଜୀ ରାଜେନ୍ଦ୍ର

ଜନ ସହଯୋଗ ନେଇ 

ବିଦେଶୀ ଶାସନ ହଟାଇଲେ ଦେଶୁ

ଆମ ସ୍ୱାଧୀନତା ପାଇଁ l

ପାଇଥିଲା ସତ ସ୍ୱାଧୀନତା ଏଠି

ମହତ ଉଦ୍ଦେଶ୍ୟ ନେଇ 

ଧର୍ଷିତ ହୁଅଇ ନାରୀଟିଏ ଆଜି

କୁତ୍ସିତ ମଣିଷ ପାଇଁ l

ପ୍ରକୃତ ମହତ ସ୍ୱାଧୀନତା ଇଏ

ଆଜି ବୁଝିବ କି ଛାର ନର 

ଏକାକୀ ଅବନା ନାରୀଟିଏ ଆଜି

ତା' ପଥେ ହେବ କି ପାର l

ପ୍ରଶ୍ନବାଚୀ ଆଜି ସ୍ୱାଧୀନତା ଏଠି

ବିତିଛି ଏ ବହୁ ବରଷ 

ଶାସନ ହୋଇଛି ଶୋଷଣର ଵଶ

ଲେଖି ନୂଆ ଇତିହାସ l

ଆମ ଦେଶ ଜାତି ଗର୍ବ ଗୌରବର

ଏ ସ୍ୱାଧୀନତା ଦିବସ 

ଭାରତ ବର୍ଷର ଜାତୀୟ ଉତ୍ସବ

ଖୁସିରେ ପାଳିବା ଆସ l

ସ୍ୱାଧୀନତା ଜନ୍ମଗତ ଅଧିକାର

କେହି କରିବେନି ଦୂର 

ସ୍ୱାଧୀନତା ଜାତି ଅମୂଲ୍ୟ ସମ୍ପଦ

ପାଳନେ ସୁରକ୍ଷା ତାର l

ଦେଶ ସ୍ୱାଧୀନତା ବଜାୟ ରଖିବା

ଅଟେ ସଭିଙ୍କ କର୍ତ୍ତବ୍ୟ 

ଦେଶ ଅଖଣ୍ଡତା ବିଭିନ୍ନତା ମଧ୍ୟେ

ଏକତା ରାଷ୍ଟ୍ର ସମ୍ଭାବ୍ୟ l