ପୁରାଣ

ପୁରାଣ ପୁରୁଣା ଶାସ୍ତ୍ରଟିଏ ସିଏ

ଦେବାଦେବୀ ମୁନି ଗାଥା,

ଜୀବନୀ ଘଟଣା ଚକ୍ରରେ ବର୍ଣ୍ଣରେ

ଉପଦେଶ ସାରକଥା l

ବ୍ୟାସଦେବକୃତ ପରମ ପବିତ୍ର

ବେଦ ପୁରାଣ ହୋଇଲା,

ଅଠର ଖଣ୍ଡରେ ଗଳ୍ପ ମାଧ୍ୟମରେ

ଜଗତ ଜନ ମୋହିଲା l

କର୍ମ ପୁରାଣରେ ମନ୍ଦର ଧାରଣ

ଅଗ୍ନିରେ ବଂଶାନୁ ଚରିତ,

ନାରଦ ପୁରାଣେ ଶ୍ରୀବିଷ୍ଣୁ ମହିମା

ପଦ୍ମେ ସୃଷ୍ଟି ହିଁ ଅତୀତ l

ସ୍କନ୍ଦ ପୁରାଣରେ ବିଷ୍ଣୁ ପୁରାଣରେ

ଶିବ ମହିମା ପ୍ରକଟ,

ଭାଗବତ ଆଉ ଭବିଷ୍ୟ ପୁରାଣେ

ଆଧ୍ୟାତ୍ମିକ ଜ୍ଞାନ ଭେଟ l

ଦଶଗୁଣ ବହି ଶ୍ରୀମଦ୍ଭାଗବତ

ମହାପୁରାଣର ବାଖ୍ୟା,

ବ୍ରହ୍ମସୂତ୍ର ଏ ସରଳୀକୃତ

ବ୍ୟାସ ଦିବ୍ୟ କଳା ଶିକ୍ଷା  l