କାଶତଣ୍ଡୀ

ଶରତ ସଂନ୍ଧ୍ଯାରେ     ଶୁଭ୍ର କାଶତଣ୍ଡୀ

      କରିଥିଲା ମନ ଚୋରୀ

ସେହି ଦିନ ଠାରୁ      ତୁମରି ପ୍ରେମକୁ

      ସଂଜରେ ହେଉଛି ଝୁରି । 

ନୀଳ ଆକାଶର      ଅନନ୍ତ ନୀଳିମା

       ଭସା ବାଦଲର ପ୍ରୀତି

ଗୋଧୂଳି ସଂଜର     ସଜସଜ ଫୁଲ

       ପ୍ରେମର ଅଭୁଲା ସ୍ମୁତି । 

ନିରିମାଖି କଇଁ       ଜହ୍ନ ଆଲୁଅରେ

      ବେଦନାରେ ହୁଏ ଘାରି

ମନକଥା ମନେ      ଆସି ଚାଲିଯାଏ

      ବିରୋହେ ହେଉଛି ଝୁରି । 

କଅଁଳ ବାଛୁରୀ      ଡିଆଁ ମାରୁଅଛି

      ଏପାଖ ସେପାଖ ହୋଇ

କାଶତଣ୍ଡୀ ଫୁଲେ    ଚହଟି ଯାଉଛି

      ଆମ ଗାଆଁ ପଠା ନଈ । 

ହାତ ଛାଡିଥିଲୁ      ଯେଉଁଠି ଲୋ ପ୍ରିୟା

       ସେଇଠି ହୋଇଛି ଠିଆ

କେମିତି ତୋଳିବି     ତୁମ ବିନୁ ଏକା

       କାଶତଣ୍ଡୀ ଫୁଲ ପ୍ରିୟା ।