ଲାଇବ୍ରେରୀ
ପ୍ରୋଫାଇଲ୍
ପ୍ରିୟା
ପ୍ରିୟା
1 min
324
ଆସିଲୁ ତୁ ଜୀବନ ରେ
ଫଗୁଣ ର ଫଗୁ ଧରି,
ମଳୟ ର ସମୀର ରେ
ଖେଳିଲୁ ତୁ ଲୁଚକାଳି।
ଭିଜିଗଲା ତନୁ ମୋର
ତୋ ପ୍ରୀତିର ହୋଲି ଖେଳି,
ଅନ୍ତରେ ମୋ ବିଛାଇଲୁ
କୃଷ୍ଣଚୂଡ଼ା ରଙ୍ଗ ନାଲି।
ତାରlଫୁଲ ତୋଳି ଦେଲୁ
ସପନ ରେ ଘର କରି,
ଅଗଣାରେ ଭରିଦେଲୁ
ଚାନ୍ଦ ର ଚାନ୍ଦିନୀ।
ଆଲୋକିତ କଲା ମୋତେ
ତୋ ପ୍ରେମର ରୋଷଣି
ନିରାଶା ଜୀବନେ ମୋର,
ସାଜିଲୁ ମଧୁର ରାଗିଣୀ।
ହୃଦୟର ସରସୀ ରେ
ଫୁଟାଇଲୁ କୁମୁଦିନୀ,
ଶୁଣାଇଲୁ କାନେ ମୋର
ବାସନ୍ତୀ ପିକ ର କାକଳି।
ଇନ୍ଦ୍ରଧନୁ ରଙ୍ଗେ କଲୁ
ଜୀବନ ମୋ ରଙ୍ଗମୟ,
ପୁଲକିତ ତନୁ ମନ,
ଶବ୍ଦାୟୀତ ହୁଅଇ ହୃଦୟ।
ତୋର ସ୍ମୃତି କରିଅଛି
ମୋତେ ପ୍ରଣୟର କବି,
ଆଉ କାହା ବାନ୍ଧବୀ ତୁ
ଜୀବନ ମୋ ଯାଇଛି ନିରବୀ।
