ପ୍ରେମ

ପ୍ରେମ ନୁହେଁ ଏକ ଖେଳନା ସାମଗ୍ରୀ

ଏହା ଦୀର୍ଘଜୀବି ଭାବନାର ଧାରା,

ଛିଡ଼ି ଯାଉଥିବା ସତ୍ୟକୁ ଟାଣି ଗୁନ୍ଥି ଦେବା

ପ୍ରେମ ତ ଦେଉଛି ନାରା ।।

ସାଗର ର ପ୍ରେମ କୂଳକୁ ଚୁମେ

କୂଳ ଯେ ନିଇତି ପ୍ରେମକୁ ଚିହ୍ନେ,

ପାହାଡ଼ ର ପ୍ରେମ ଗଗନ ଚୁମେ

ଗଗନ କହୁଛି ପାହାଡ଼ କାନେ ।।

ପ୍ରେମ ଏକ ବନ୍ଧନ ନୁହେଁ ଅବା

ପୁଷ୍କରିଣୀ ର ଜଳ ନୁହେଁ,

ଝରଣା ର ଝର କୁଳୁ କୁଳୁ ସ୍ୱର

ବହିଯାଏ ନିରନ୍ତର ପ୍ରେମଭରା ଦେହେ ।।

ପ୍ରେମ ତ ନୁହଁଇ ଗଛର ଛାଇ

ପ୍ରେମ ତ ନୁହଁଇ ଲଞ୍ଜାତାରା,

ପ୍ରେମ ତ କେବଳ ସୂରୁଜ ଆଲୋକ

କିରଣ ବିଛାଏ ପ୍ରୀତି ଭରା ।।

କେବେବି ପ୍ରେମ ତ ହୋଇପାରେ ନାହିଁ

ଘୋର ଜଙ୍ଗଲ ମଧ୍ୟରେ ଶିକାରୀ ଟିଏ,

ହୋଇପାରେ ନାହଁ ପ୍ରେମ ତ କଦାପି

ବେଳାଭୂମି ର ବାଲିଘର ଟିଏ ।।

ହୋଇପାରେ ପ୍ରେମ ଏକ ଗଭୀର ଜଳ ର ମୀନ ଟିଏ

ହୋଇପାରେ ପ୍ରେମ ଏକ ମରୁଭୂମି ର କାକଟସ୍,

ହୋଇପାରେ ପ୍ରେମ ଏକ ରାଣୀ ମହୁମାଛି

ହୋଇପାରେ ପ୍ରେମ ଏକ ସୁନ୍ଦର ଜଳ ରାଶି ର ଲୋଟସ୍।।

ପ୍ରେମ ଲୁଚିକି ରହିଛି ମଣିଷ ର ହୃଦୟରେ

ପ୍ରେମ ଲୁଚିକି ରହିଛି ଦନ୍ତା ହାତୀ ର ଶୁଣ୍ଢରେ,

ପ୍ରେମ ଲୁଚିକି ରହିଛି ଶୁଆଶାରୀ ର ଥଣ୍ଟରେ

ପ୍ରେମ ବି ଲୁଚିଛି ମହାଶୂନ୍ୟ ରାଇଜ ର ଏଲିୟନ୍ ମୁଣ୍ଡରେ।