ମାତୃଶକ୍ତିର ପ୍ରତୀକ ପାର୍ବଣୀ

ଆଗୋ ମାତେ ଶକ୍ତି ସ୍ୱରୂପିଣୀ 

          ଦିଅ ସୁଶକ୍ତି ଆମକୁ ଆଜି

ଖୋଜି ବୁଲୁଛୁ ଆମେ ଟିକେ

          ତଵ ଅଭୟୁ ଆଶାୟୀ ସାଜି ll

ଲୋଡ଼ା ନାହିଁ ଆମ ଧନ ଜନ

           ଗୋପ ଲକ୍ଷ୍ମୀ ତଵ ଆଶୀଶୁ

କେବଳ ମାତ୍ର ବଞ୍ଚିବାର ରାହା

           ସକାରାତ୍ମକ ଭାବ ପ୍ରକାଶୁ ll

କ୍ଷୁଧା ତୃଷାରୂପୀ ମାତା ତୁମେ

           କରିଛ ଆମକୁ ପିଣ୍ଡ ଦାନ

ବଳିଷ୍ଠ ବପୁରେ ଶକ୍ତି ସଞ୍ଚାରୀ

            ପ୍ରାଣ ରଖିଛ କରି ଯତନ ll

ସର୍ବ ଘଟେ ବିଦ୍ୟମାନ ତୁମେ

            ସତେଜ ଓଜ କରି ଭିଆଣ

ଅନ୍ତସାରଯୁକ୍ତ କରିଛ ଆମକୁ

            ଜନନୀ ଜଠରୁ କରି ତାରଣ ll

ତୀକ୍ଷ୍ଣ ଧାର ଯୁକ୍ତ ଖଡ଼ଗ ତୁମର

            ଶତ୍ରୁ ବିନାଶକ ରକ୍ଷା କବଚ

ଦୁଷ୍ଟ ନିବାରି ସନ୍ଥ ପାଳି କରିଛ 

            ଅବନୀବାସୀଙ୍କ ମହତ ଉଚ୍ଚ ll

ପାର୍ବଣ ଅବସରେ ଦେଇଛ ମା

            ସୁଯୋଗ ସ୍ବସନ୍ତାନେ ଭରସି

ପଶୁତ୍ୱ ସଂହାରୀ ସେମାନଙ୍କ

            କରିଛ ସୁଯୋଗ୍ୟ ନୃତ୍ୱ ବିକାଶି ll

ନାରୀ ମାତୃଜାତି କଷଣ ପ୍ରାବଲ୍ୟ

            ହ୍ରାସ କର ମାଗୋ ସୁଯୋଗିନୀ

ଆଧୁନିକ ଅରାଜକ ସାମ୍ରାଜ୍ୟେ

             ନାଶି ପାଖଣ୍ଡୀ ଯଥା ବିଂଶପାଣି ll

ଏତିକି ଆମର ମାତର ନିବେଦନ

             କରୁ ତଵ ଶ୍ରୀ ଚରଣେ ସଦା

ନ ବହୁ କେବେ ରୁଧିରରୂପୀ ଅଶ୍ରୁ

             ଲଳନା ନୟନୁ ବକ୍ଷ କରି ଓଦା l

ଏକବିଂଶ ଶତାବ୍ଦୀର ରାଜତ୍ୱ 

             ଲଭୁ ପୁଣ୍ୟଫଳ ତଵ ପଦସ୍ପର୍ଶେ

ଯେତିକ କଳ୍ମଷ ହେଉ ବିନାଶ

             ନବଜୀବନ ଲଭି ଚିର ହରଷେ ll