ନୂଆ ବରଷ
ନୂଆ ବରଷ
1 min
270
ପୁରୁଣା ବରଷ ଯାଉଛି ଆମକୁ ଛାଡ଼ି
ନୂଆବରଷକୁ ସାଦରେ ଆମନ୍ତ୍ରଣ କରି l
କେତେ ମଜା କଥା ଆମକୁ ଦେବ କହି
କେତେ ଭଲ ମନ୍ଦ ଘଟଣାକୁ ବନେଇ l
ପୂରୁଣା ମଜା ଆଉ ତ ମିଳିବ ନାହିଁ
ନୂଆ ବରଷର ମଜାକୁ ରହିଛୁ ଅନାଇ l
ଆଶା ଭରସାର ଉତ୍ସ ତ ନୂଆ ବରଷ
ତାହାର ପରଶ ଦବ ଆମକୁ ନୂଆ ହରଷ l
ନୂଆ ନୂଆ କଥା ଶୁଣିବୁ ମନ ଲଗାଇ
ଯାହାବି ହଉ ସେତ ନୂଆ ମନ ମନେଇ l
ବଣଭୋଜୀର ମଜାଦେବ ପୁରୁଣା ବର୍ଷ
ନୂଆ ବରଷକୁ ସ୍ବାଗତ କରିବୁ ମନ ହର୍ଷ l
ଆହେ ନୂଆ ବରଷ ଆସ ଧାଇଁ ଏଠାକୁ
ସଜାଇ ଦିଅ ଆମ ନିଳୟ ଆମ ମଠକୁ l
ଫୁଲତୋଡ଼ା ଧରି ବସିଛୁ ଘର ସଜାଇ
ତୁମ ପାଦ ଛୁଆଁ ଲଭିବୁ ମନକୁ ମଜାଇ l
ଦିଅ ଆମକୁ ନୂଆ ଜୀବନ ନୂଆ ବୁଦ୍ଧି
ନବ ଉଦ୍ଦୀପନାରେ ହଟୁ ଆମ କୁବୁଦ୍ଧି ।।