ମାଆ ମାଟିର ସେବାହେଉ ଜୀବନ ବ୍ରତ
ମାଆ ମାଟିର ସେବାହେଉ ଜୀବନ ବ୍ରତ
ମାଆ, ମାଟି ଆଉ ମାତୃଭୂମି ଆମ
ସବୁଠାରୁଶ୍ରେଷ୍ଠ ଅଟେ,
ତାଙ୍କ ଅବଦାନ ଆମ ଜୀବନରେ
ଭୁଲିକି ପାରିବା ସତେ l
ମାଟି ମାଆ କୋଳେ ଜନମ ହୋଇଛେ
ଖେଳିଛେ ବଢିଛେ ଆମେ,
ତାହାରି ସେବା କୁ ବ୍ରତ କରି ଆସ
ଲାଗିବା ତାହାର କାମେ l
ଲଗାଇବା ଆସ ବୃକ୍ଷ ଜାତି ଜାତି
ସବୁଜିମା କରି ସୃଷ୍ଟି,
ଫୁଲଓ ଫଳରେ ରେ ହସିବ ଧରଣୀ
ଉଡ଼ିବେ ପରଜାପତି l
ହାତ ସହ ଆମେ ହାତ ମିଳାଇଲେ
କରିହେବ ସବୁ କିଛି,
ଏମାଟିର ଆମେ କୋଟିଏ ସନ୍ତାନ
ଲାଗିବାରେ ମିଳିମିଶି l
କୁତ୍ରିମତା ଛାଡି ପ୍ରାକୃତିକ ଭାବେ
କୃଷି କରିବାରେ ଚାଲ,
ଅମୃତମୟୀ ହେବ ମାଟି ମାଆ
ଦେଵ କେତେଫୁଲ ଫଳ l
ଜଳକୁ ନକର ନଷ୍ଟ କେବେହେଲେ
ନେଉଥାଅ ତାର ଯତ୍ନ,
ନଦୀ ସଂଯୋଜନା ଯୋଜନାମାଧ୍ୟମେ
ସବୁ ନଦୀ ହେଉ ପୂର୍ଣ୍ଣ l
କୃଷି ମତ୍ସ୍ୟ ଚାଷ ବିଦ୍ୟୁତଯୋଗାଣ
ହୁଅଇ ନଦୀର ପାଇଁ,
ସେସବୁକୁ ଆମେ କର୍ମେ ଲଗାଇଲେ
ଅଭାବ ରହିବ ନାହିଁ l
ମାଟି ତଳେ ତାର ରଖିଅଛି ପୁଣି
ଖଣିଜ ପଦାର୍ଥ କେତେ,
ସେସବୁ କାମରେ ଲଗାଇଲେ ନିଶ୍ଚ
ଉନ୍ନତି ହେବ ଭାରତେ l
ସୁଜଳା ସୁଫଳା ଶସ୍ୟ ଶ୍ୟାମଳା
ହୋଇବଧରଣୀ ମାଆ,
ମିଳିମିଶି ତାର ସେବା କରୁଥିବା
ଜଗତେ ବଢ଼ାଇ ନାଆଁ l
ମାତୃଭାଷା ଆମ କରିବା ଉନ୍ନତି
ତାକୁ ଲେଖନୀରେ ଭରି,
ମାତୃଭୂମିର ପ୍ରତି କୋଣେ କୋଣେ
ପ୍ରଚାର ପ୍ରସାର କରି l
କୃଷକ ଯବାନ, ଯନ୍ତ୍ରୀ ମନ୍ତ୍ରୀ ହୁଅ
ଅବା ହୁଅ ବୈଜ୍ଞାନିକ,
ନିଷ୍ଠାର ସହିତ କର୍ମ କରି ନିଜ
ଦେଶର ରଖିବ ଟେକ l
ସେଇ ମାଟି କୋଳେ ଜନମ ଆମର
ସେଇଠାରେ ହେବା ଶେଷ,
ପଞ୍ଚଭୁତେ ଗଢ଼ା ଦେହଟି ଆମର
ମାଟିରେ ହେବ ନିଃଶେଷ ll